شبية وماگدرت أصبر بلياك
شبية وماگدرت أصبر بلياك
وموج صّورك أستحوذ خيالي
گلت هاهية عفتك وأنتهى وياك
عمري وضيعت بعدك سؤالي
أثاريني ولا ناسيك لحظات
أقنع روحي بأنصاص آلليالي
وأكول لگلبي بس خل يخلص الليل
وأوعدك راح أسد جرح الغوالي
بس أستغربت من خلص الليل
انگلب سحري علية وضاع حالي
ليش شلون ما أعرف شنو الصار
يمكن أنتَ مريت أعلة بالي
أحسك عاصفة بس شايلة احساس
وبيها نسمة من ريح الشمالِ
مدري شصارلي وما اگدر انساك
أذا يسألوني أكوللهم حلالي
واأباوع گلبك أرد الگاني وياك
بس ضايع أحس ومّكاني خالي
يلة عالعموم أيامي تذكار
أذا ايامي عندك شيء غالي
مدري شبية ما أرهم بلياك
رمضان وما أجي ألا بهلالي
مصطفى غالب
رد مع اقتباس
