الاجل ليّه امنجاني ميتواني
وردت واحد يكَطّر ميتواني
على افراش المنيه ميته واني
جنت انطر يجي العباس اليّه


الحزن رفكَت اخيالي شيّعاني
غريبه ومن غربتي شيّعاني
أمن اخوتي ماجه واحد شيّعاني
وعيوني امناطر امن الاهل جيّه


دموع العين بيدي صرت ألمهه
واخيتي بضعه وآنه صرت ألمهه
يبو فاضل مهجتي صرت ألمهه
المهه جمرة افراكَك عليه


دليلي ما بطل ونّه ولا عين
بسبب ماصحلي من يحضر ولاعين
الك عين انطفت خويه ولي عين
تناطر جيّتك وكت المنيه


عيون الحره مأساتك كفنهه
ولسه من الحبل يدمن كفنهه
زينب صار ثوب امهه كفنهه
ثوب البي مشت عنكم سبيه


انازع والدموع اعليك ماييت
ودليلي امن الهظم والقهر ماييت
كبل لا موت ردتك تجي ماييت
يعباس واجت ليّه المنيّه


دليلي امن المصايب مات وهلي
دمع والدهر بالهم مات وهلي
انه الشاهدت بالطف ماتو اهلي
ضحايه وعلترب ضلّوا رميه


رياگي من عگب عینك ....شمرها
بچیت ابحین یشتمني ....شمرها
اگبالي الطفله عالطفله.......شمرها
وصاحت اخ من طاحت رقيه


صوت الما انسمع الهن وحسهن
تهل دمعاتهن بيدي واحسهن
بناتي اسياط تظربهن واحسهن
ابمتني وكل جرح للسوط بيّه


تبچي اعليك لتضن زينه بتكم
واهي الچانت يخويه زينه بيتكم
تطب ديوان وسفه زينبتكم
وبقه المايسوه يتفرّج عليّه






محمد حسن