هنا

[فقار الكرخي]

بنات امطلكه جروحي
خدم لناس...!
وروحي ازواك فصليه وعشكهه انداس
وعيوني أرملة مفقود ماتنشف كضاهه اليأس
وجفاك أجياب مريم ماخلص بطلوك
جذع ماخله اهزه الفأس
متكلي اشيصير الكاس
اعله ياوحده ينسيني
المرض والعوز والدنيا
وعلاج امي وغموس اهلي وفركتك والمخرب بينك وبيني
هذن كلهن ولك وانه بطرك عيني
كلشي يودي الك سدو
حتى الصفنه بس اتجيب ماكامت توديني
أرامل من رحت لليوم ماطلكت روازيني
و كالولي غصب سافر سنه وتنساه
وين امشي المدن متساويه بعيني
كبل لو شالو يحطون
ولحكهم امنتوازه
بس هل مره شالو شيلة اجنازه
ولك هذا السمار بيا وكت ينباع
غصب للوين لليمته
ونه كلما اهيس صوت سجه
ايصيح
اسربلك بناي انت
حط يل مو وكتهه تطير
ماعذرك بعد خلصت الكلشي يصير
ولك بسك معزتك خلصت تبرير
طابت لذتك سجه بخلك مشلول
وذبيحة ثالثه وبسنون ابن مكتول
برد يل مابعد ينعاش من دونك
عبرت الشوف والمو شوف بس ماطحت بعيونك
يبس للفي ورك صفصاف
مو شرط العصا مرات بس للخوف
فرح تلكاهه تنكط عصة النداف
اشكد مابيك كتلك دوفني.. من باب
لكيت الحنه هم تنداف
الضاهر مايمثل الناس يلغلطان
ال اتحنه البخت متساويه البيبان
وكف بس الفتتني انت القطار انسان






م

[رئاب]

يسلمو

[نونه ★]

عاشت ايدك

[مزاجية برامج]

رونق جدا