هنا

[فقار الكرخي]

ام البنين ... ام البنين
زادج شرف ... عشكَ الحسين
ــــــــــــــ
هنيال كَلبج من عشكَ ...روح الزجيه
وبهاي ربّج كرّمج ... باعظم هديه
خلّاج تكَضين الشدد ... رب البريه
وعليج فاطم راضيه ... آيالوفيه
كَلبج حنين .... كَلبج حنين
زادتج شرف ... عشكَ الحسين
ــــــــــــــ
لحسين رخّصتي ولد ... كلهم نشامه
همّج يرجع مهجتج ... ليج بسلامه
وباجر فاطم تفتخر ... بيوم القيامه
بعباس حمّاي الضعن ... جفوفه علامه
ارخصله عين ارخصله عين
زادتج شرف ... عشكَ الحسين
ــــــــــــــ
عندج محبوب الحسين ... مامثله محبوب
شمعات صارت مهجتج ...وبغيبته اتذوب
ياريت من كَلبج خذت ... كل هاي الكَلوب
صحتي حسيني غايتي ... بس هذا مطلوب
ارخصتي السنين ... ارخصتي السنين
زادتج شرف ... عشكَ الحسين
ــــــــــــــ
باجر فاطم تفتخر ...يم نور ابوهه
وزينب تطلب نظرة ... العباس اخوهه
واخوان عباس ابفخر ... زينب يجوهه
شكر أمن امهم فاطمه ... جيفت فدوهه
رغم الانين ..... رغم الانين
زادتج شرف ... عشكَ الحسين
ــــــــــــــ
بالطف واحزانه وصفر ... عندج مواقف
الزوا رلمّن تعتني ... من كل طوائف
تنطينهم صك رحمتج ... مثل المصاحف
تنطينهم جلمة مدد .... ونور المعارف
بالاربعين بالاربعين
زادتج شرف ... عشكَ الحسين





منقول

[نونه ★]

عاشت ايدك