حِلِم فاكـد حنان الوكت
حِلِم فاكـد حنان الوكت
كم ليلة صفى بيها نواحي
..................وأعيشنها حلمِ فاكِد حنان الوكـت
حِلِم ضايع ما بين ضِحكة وألم
..............وبين غفوة جفن وصحوته تمرمرت
أرسم ليلي شمعة وأطفي الأنوار
..........وأكضي الليل صفنات إحترت
تبيع الخجل دمعات هالعين
............وتنزل مرارتها واني بيها تأثرت
واتجرع عَلكَـم فكـِد طول هالليل
............معمية ما اشوف نظراتي تعَثِرَت
أمشي بشوارع ناسها شِمات
................مسودنة يسموني وبعشكه تسودنت
أعلنت عصياني على التقاليد
.............وأكلت قيودها لبيها إنأسرِت
وصرت مفضوحة فضحتني عيناي
..................إنكشف ستر الشعور وبعَباته تسترت
شِمِر هالوكت صوبني بِسهام
...............ورماني عالوطية بحسرات تخَضبِت
وسَحَك طاغي شعوري بمحافرِ جِياد
................وضلوع الفرح بآثار سحكه تكسرت
سباني بلا ظعينة أمشي حِفاي
............و بجمرِ المواجِع تركوني و انصهرت
وشمـا أنصهر أنهض أرِد ردود
..............أطيبِ جروح البيها تعذبت
واعلمكم عِلِم ما صار ولا راح يصير
................واخلي الكون يحجي عن مرارتي وِشِفِت
رد مع اقتباس
