تالي التعب
تالي التعب
مــاريد هــمك يــزيد مــاريد حبـــك جــــــذب
وبالــعمر اصـلاُ مـا تـحس وبحالي لاعب لعب
مــنين جــابك عــلي وبيـــك الــزمن ورطــــني
فــوك الحــزن والـدمع حبــك صدك تــــعبنــــي
قشــمرني هـــذا الـوكت خـلاني أثــق تحبني
حيــال طـــبعك لـلأســف بس غير نفسك ماتحب
ماريد همك يزيد مـــاريد حبــــك جـــــذب
ربيــتك وخــلصــت الــعمر اســهر وأنـــاطر تــكــبر
وبجيـــلك دمــوع الــعمر لو مره جـــدمك يـــعـــثر
علــمتك الــناس أشــكال ولـــيغرك الـقيــل وقال
وخليك راضي الله وتــحب ولـــتغيرك هموم الحال
فرغــت كـل بالي الك بــس أنت وحدك بالــبــال
تــــالي الـــتعب والـــسهر شــرد اكــول ..؟
رحــــت يم غيري وغمضتــها عـــيونــك
آنــه زرعــتك نــخل وفصلتك علي تفصال
شــامخ للنــجم بــس اني الــوحــك
وجــان عــندك كبريــاء وبيــه طــموح
شـــرخصــك انـــت ونسيــت طــموحك
لاحــو عـــثــوكك غصب هـــسه تكول
شـلون بالله ؟ اشرحلي لاح عثوكك
وبطريقك اشرحلي شلون غمضتلك عيون
مـــن لــمس جــفيــك نام بــطولك
شــغـازلك كـــلك حبيبــي لــو مــلاك
هــم حــجــاله حجــايه مــا حاجيها
مــا ســأل عــنك مـا شــاف أثــــــــاري بديك
لو كــلتــله اني بحياتك صفــحه بس طــاويها
مـــن وصـــل تــمرك أبـــنيـة الضـــــوك
مــاعــــرف ســر الـحـــــلاة البيـــــهـا
مـــا ســأل مـاكلك أول نـــخله هيـــج
مـــا كــلتــله بــدمي جــنت أزكـــيها
هــم خــدر طــرفك لــــمن مد أديــه
شي أكيد هـاي لحـضه وانت بس تحييها
لـــيش خــليت الــجرح يبني قصور
وجــــــنت اضــنك أبـــد متــــسويــها
خيبــــت ضـــني ومــشيت ويه الـــحجي
وبنيـــت جـــنه مــن الــــضـنون الــواهيه
ونـــفس ضـــني خـــاب ضــنك من مشيت
عيــــــشوك أيــام جــــنه الــــداميـــه
وهســـه أجيــت تــكول أحبـــــك
وخــــل نـــرد لـــيــامـــنه
ضحكتني يــا حلم ارجع عــليـــه
مـــــات كــلشي بــداخــلي ومابقه
إي حلم من أحلامــــنه
رد مع اقتباس