ارد ازور العلكَمي اوابجيلك
وعن مصاب ام الخدر انعيلك
ــــــــــــــــ
امشي يم النهر واذكر رايتك
وحمره من ادماك اشوف اعمامتك
يابو فاضل والله صعبه امصيبتك
طاح جودك وانهدم كل حيلك
ـــــــــــــــــ
من اشوف الماي تسعر جمرتي
ومن اذكرك والله تيبس شفّتي
حسين يمك صاح قلّت حيلتي
رحت عنّي وصار مظلم ليلك
ــــــــــــــ
شلون جفّينك يبو فاضل هون
عيونك امن ادماك ياويلي انعمن
الهد دليلك عل علاوي الّي مشن
بيد غربه وزينبك توميلك
ـــــــــــــــــ
من اشوف العلكَمي اذكر ضماك
لان ضامي حسين متروّت شفاك
طاح جفّك لجن ضل ايرف لواك
واعتناك حسين راد ايشيلك
ــــــــــــــ
ردت يم جرف النهر انصب عزاء
خيمه محروكَه وسلبن ذيج النساء
(كربلاء لازلتي كرباً وبلاء)
يادهر افٍ لك ويا ويلك






الشاعر محمد حسن ضيغم