هنا

[فقار الكرخي]

نفس حار ،
و نهر غيره ..
و عطش ثورة اعله باب النار
و اطبول و مئاذن و الليالي اگصار ،
وابصوت المناره اتعله صوت الصوت ،
حي اعله الفلاح وفزعة الاحرار
حي اعله المبادئ و الربت بالغار ،
وحدر وجه الثنايه احفور من اوراق ،
فحواهن دمه ،
و خانگ ارياگ الريح ،،
و اخيام و شريعة اتصيح ،،
كلها اتصيح ..
من بين الضباب و شحة الانوار ،
صوت ايهل ( ستر ) ويبيـح ،،
و الدنيا رماد ابعين ، رمدة ،
و چانت امفتحه !!
و يلن فجاة ، وطلگ رحم الثنايا ابصوت
و اندار النفس و الموت
و اتلاگه الستر و الموت ،،
سبعين و نسل ياقوت ،،
طاح ال موت
و الشامخ نهر ممدود
ساجد ل الله مو للـ گاع ،
و الدم ارتوه ابفجـره ،،
رمال ال صحره طاحت ماي
و المرضع بچه ابنحره ،،
رفيف العطش هب اهبوب
لاذ ابرية العباس ،
دنگ بالخجل محتار ،
و اعيونه التصب نهرين ،
واتامل صدى العباس ،، ثورتهم نهر يمتد ،
ثورتهم برد يشتد ،،
ثورتهم .. صليل و صهلة المغتاض
يرعش منه الف جايوس ؟
أو نيتـه ابنية ال فقرة ،،
مدامعهم تزف ل الليل الف گمرة ،،
مچامنهم ،، صفت مرسال بيد الله
و بيها البسملة اويه الماي
و المحبر دمع عريس ،
و البصمة دمه المرضع ،،
نواعيهم أتغير ابخاطر البردان
أو خاطرهم بخت يوجع ،،
رسايلهم ، مقام الها ..
و رفيف ابيض ،
نحر و الچف يگود الحظ ،،
يـ كون الثاير اعله الخوف
من يشهگ ،،
يخلي الغيم دم ينشف ،،
يگع بديارهم هينوب
يهدم استارهم والبوب
و اطبول التدگ بليل ..
بچفوفه و چفافي ال دف ،،
مهي الثورة .. زلم تابوت ،،
ياهو البالشرف ينباع
ياهو اليبقه حي و يموت ..!!
مهي الثورة انتصار السكته رغم الخوف، !!
و اجيال التحنيها ،،
مهي اجيال التعليها .. ولما تصبح نجم وهلال
لما طوگ ال شمس نيشان يبقه اهلال ،،
لما تصعد الفوگ ال فوگ
او لميض البيها يشتد حيل
يمتد اعله صوب اشكال ،
و هذول احنه ... ،،
الشرينه ابدمنه الف چذاب
نيتنه شمر ويخور وي دمنه
يـ چف عباس ... چذابين
مرسال التناقض جاي من عدنه ،،
يـ نحر حسين ... چذابين
نشگ ازياجنه ابلا راي
أو همنه انكرر المنظر ،،
يـ نحر حسين چذابين
بس تخلص نرد نكفر ،،





محمد الدراجي

[نونه ★]

عاَْشتٍ اَْيِدگٍ وردهً گٍلّش حًلّوو