ياطير إخذ دمعة كلام
بعد التحية والسلام
مشتاگة ابويه ياحسين
مشتاگة ابويه ياحسين
_________________
إخذ من خدي دمعة اتموج واتلالي
ياطير اليمام الحضرة الوالي
گله البيت بعدك يوحش اوخالي
مو بس المرض هجرك اخذ بالي
إحمل على جناحك جروح
بدونك يبويه وين ايروح
مشتاگة ابويه ياحسين
مشتاگة ابويه ياحسين
_________________
اريد اتگله كلمه اوهاجر اديارك
اشلونك ياحبيبي الغالي شخبارك
يبويه ابفرگتك ويامن اتشارك
بس اُم البنين اوحايره ابنارك
ليل اونهار ابچي عليك
محتاجة حنيتك إديك
مشتاگة ابويه ياحسين
مشتاگة ابويه ياحسين
_________________
غابت عني كل اسوالفه الترفه
بقت بس ذكرياتي وبوستي الجفه
لأول مره اشوفه ايعوفني خلفه
جرح فگد الأبو ياطير مايشفه
صرت ابسبب هاي الظروف
وسط النهار اوما اشوف
مشتاكة ابويه ياحسين
مشتاكة ابويه ياحسين
_________________
يسامرني ابدلاله اوعطفه من زغري
اشم صدره إذا مره أختنگ صدري
اجتني كربلاء امنين ما أدري
البيت اوياه جنه هِسه لا گبري
محسوده ياطير البنات
بحظن الأبو لمن تبات
مشتاگة ابويه ياحسين
مشتاگة ابويه ياحسين
_________________
كلمات الشاعر : حاتم صبري الكاظمي
رد مع اقتباس