حزن عندي شكثر يا من تضحكون
وكلب عندي بسببكم جود معيوب
ما شفت الفرح يوم وتهنيت
تعبني الحزن وبكصتي مكتوب
واذا أيوب فزعتله النبوات
أنه بغير النبوه وصرت أيوب
شنو ذنبه الشمع من تنذر الناس
أهي تحصِل مراد وهو يذوب
وشنو ذنبه اليحبك يسهرالليل
اذا عنده كلب ما يقبل يتوب
صح السيف انت وتجرح ادريك
لجن كلهه ودفنتك تحت الهدوب
وشتلتك عود ياس بجرح الايام
وكلت باجر تطك وتعطر الدروب
ومن عودك كُـبر بينت زين
مو ياس اطلعت يا حيف خرنوب
ماغزر تعب.. ما هزك الشوك
خالي من الوفه ولا عندك الدوب
لجن بيه الذنب حيل وبعد حيل
شلون ابني قصر والساس مرطوب
رد مع اقتباس
المشاركة الأصلية كتبت بواسطة صفاء الروح
