چان الزغير من آل هاشم مهيوب ، شعر حسيني
بكل بطن خيمه العطش فارش ذرعان
وأصغر طفل ينشاف أكبر عطشان
وچان الزغير من آل هاشم مهيوب
ولا واحد اليوصلّه هندس بيشان
وچان العطش سلطان بالطف ! والماي
ما أنزل الله بي ابد من سلطان
وهواي بالطف حچي ، ودم ، وحسرات
وخوه ، وكسر خاطر ، وختمة قرآن
وتل ، وسبي ، وچف ينعد بعشر ازلام
وزفه ، وعرس والطاح هو الربحان
وچلمة سهم تگطع سبيل المعروف
وزلة (شسع) گطعت سبيل العرسان
حسين الثويني
رد مع اقتباس
