هنا

[Bashir al-Khafaji]

هالسنه أخدم حبيبي
حسين ياروح وطبيبي
٪٪٪٪٪٪٪٪٪٪٪٪٪٪٪٪٪٪٪٪٪٪٪٪
شكثر رادوني أعوفك
ماأشارك بالمصاب
گلت باب الله أوسع
أكتب وهذا الجواب
حسين نورك بالمشاعر
شافع بيوم الحساب
الباري وفقني الخدمتك
زينب أتوقع الكتاب
ياشمسنه أنوب غيبي
منور الدنيا حبيبي
هالسنه أخدم حبيبى
حسين ياروح وطبيبي
٪٪٪٪٪٪٪٪٪٪٪٪٪٪٪٪٪٪
أرد أضمك وسط عيني
حدر رمشي والجفن
وأنه أغار أعليك مني
أدري من حبك أجن
سامع بقيس وجنونه
يوسف بعشگه يحن
أنته معزوفة غرامي
عشگك ينظم اللحن
بصمة أبهامي الحبيبي
وقعت من دم وريدي
هالسنه أخدم حبيبى
حسين ياروح وطبيبي
٪٪٪٪٪٪٪٪٪٪٪٪٪٪٪٪٪٪٪
حللوا دمى ولگوني
مومريض وبيه داء
وشخصوا هالعله حبك
أنته يحسين الشفاء
تلهج أنفاسي بمحبتك
سيدي صبح ومساء
هذا سر حبك يغالي
زيارتك في كربلاء
أزداد في گلبي لهيبي
بنفسي وعيالي ونحبيبي
هالسنه أخدم حبيبى
حسين ياروح وطبيبي
٪٪٪٪٪٪٪٪٪٪٪٪٪٪٪٪٪٪٪
موبموكب بس أخدمك
حتى بانفاسي يجب
يانفس جدك محمد
أشم عطرك من يهب
مانسيتك شاهد الله
أنته أعرف بااليحب
لوشربت الماي أگولن
ليش حرموك العذب
مانسيتك ياحبيبي
صادقآ حتى المشيبي
هالسنه أخدم حبيبى
هالسنه أخدم حبيبى
٪٪٪٪٪٪٪٪٪٪٪٪٪٪٪٪٪٪٪
بقلم خادم الأمام الحسين
عليه الصلاة والسلام
الشاعر الحسيني المجاهد حسن نايف سعود مهنا الخفاجي
ابو مؤمل

[انثى مخمليةة]

راائع جدا