هنا

[فقار الكرخي]

يمصداق الوفه الكل جلمه كَلتيهه
كبل لا اسأل الحاجات تكَضيهه
كريمه وبنت الاكرام
المحرّم رايد احزام
ـــــــــــــ
يا اخت الرضا المحّد عرف شانج
علبيبان الصحن يافاطمه احزانج
جم دمعه الجرت بعتاب بيبانج
غريبه وغربتج من غربة اخوانج
لا والله ماضن يوم تنسيني
اريدن دمعه عالمظلوم تنطيني
وانوح الحركَ الخيام
المحرّم رايد احزام
ـــــــــــــ
أنه ابفيّج كَعدت وفيّج اشكبره
ويم شبّاجج اسمع لوعة العصره
ازورنج اذا ردت اكَصد الزهره
وجروحي اعله المصيبه ماردت تبره
محرّم يالحنينه كَربت ايامه
وخلّيني ربيب اللطم والقامه
الجرح ماريده يلتام
المحرّم رايد احزام
ـــــــــــــ
كَبل لا ايدي تنمد توصلج روحي
بدمعتي اعله المناير انثر جروحي
واقرالج مصيبه ابونّتي ونوحي
على التل عمّتج نادت يمذبوحي
واحس حتى المناير تهمل الدمعه
علزينب والسبي لو صرت اون ونعه
عليج بغربة الشام
المحرّم رايد احزام
ـــــــــــــ





شحلات امن اوكَف اكَبالج غضن ذابل
ملفوف ابحيائي والدمع سايل
وحكَ سكنه ورقيه وراية الكافل
الماجنون بيكم هذا مو عاقل
جي مجنون عابس صار مرجعنه
وجلمات العشكَ ترست مسامعنه
بجنونه عيب ينلام
المحرّم رايد احزام
ـــــــ
احلفج يالكريمه بنحر ابو الاكبر
كون اكَضي العمر بس دمعه واتحسّر
أنه الباجي حزن من ذاك يوم الذر
وأنه ضلوعي صغتهن للكَلب منبر
احلفج بالعيونه بسهم مرميّه
كون منازعي الهج بلطميّه
عليج بذيج الايتام
المحرّم رايد احزام








م

[أستثنـآئيـّةة❤️]