أنا اللي عاف حضن أمه بتوالي الليل
ولبّه صوت ربّه وما قبل يركع
إذا يهدم مساجد ربّه الطاغوت
على جتفينها الدبّابه أتموضع
شافوا سيف يمهم بالهوا محدود
مثل حدِّ المناجل من يمُر يقطع
يسألونه الخطر من هذا ملْك الموت ؟؟
غمّض نص جفونه وقال أتوقع
ظنوا بالسجن داسو على الجناح
معروف الصقر لغْراب ما يخنع
حسبت حساب خطواتي وسبقت الريح
خليت العدو بالعار يتوجّع
أمشي وْيا الرصاصة مشية العشاق
لمَّن بالشوازن جسمي يترصّع
علمني أبوي الْما تعرفه الغير
يبني بالشهادة راس الأبو ترفع
عمرك لا تهاب الموت بالميدان
خل هوَّ الْيهابك وأنته بالمصرع
من طبع الصقر إن جاه وقت الموت
يأبى الذل يطيرن بالسما يوقع
بعد كل ما جرى موتي نكتب عنوان
وقاموس الشرف سمّاني بالمرجع
فخر آنا بحياتي وحتى بعد الموت
أنا والغسرة عند الحمزة نتجمع
رسالة يا بني سفيان فهموا زين
الْأهلي أبد لا تقرب وتسمع
قسم إن قرّب لأمي ظليل ظلال
شبح من عالم البرزخ لكم أرجع
قصيدة ملحمية متواضعة لأم كل شهيد
رد مع اقتباس
المشاركة الأصلية كتبت بواسطة انثى مخمليةة
