هنا

[ღ عِشق ღ]

ساعةُ الموت ساعتي وإعتكافي
سوفَ أغدوا أُماهْ لا لاتخافي
زفةُ الموتِ عقدُ وعدٍ سيبقى
هيئيني أُماهْ نحوَ الزفافِ
..................................

وا قاسماه

عريس اناظر كل وجه...مصفر إلي من الحسره
چا وين زينب عمتي...والعرسي هي منتظره
ليش البچي وهذا الگلب...بدمع الوداع اتكسره
لن هذا عرسي وفرحتي...ابنصرة حبيب الزهره

زينب ياعمه .. حاصروا عمي الظلام
وگلبي يزينب .. بحسين المبتلي هام
لو فاضت روحي .. امريـتي زفوها
بلغوها لحسين .. روحـه فداها لجسام

اسمع صوت
من تابوت
زفة موت
وا قاسماه

يمه المهر موتي بحرب...فوگ المهر دمعة عين
ثوب الحسن لبس العرس...وزفافي ازفاف البين
هناني عمي بوالفضل...ضمني بحزن دون إيدين
شاهد على عقدي إجه...واللي كتب عقدي حسين

قـبلتُ ذلك .. قابل اتعفر طعين
لعيون الوالي .. إبنَ أمير المؤمنين
الزفة يمـه .. بصيحة طلعوها
زفة بواچي .. صوت الهلاهل أنين

اسمع صوت
من تابوت
زفة موت
وا قاسماه

ومتزاحم ابصدري الحچي...محتار ادور چلمه
گدامي عرس من الدمه....بس هالعرس بي غُمه
الماله أبو بهذا الوگت...العزوة كلها بـعمه
هذا انا رايح زفتي...شمي النحر يايمه

ويمه ذكريني من تمر زفة شباب
من العرس محروم حنتي دم المصاب
شمعة شبابي من يطفوها حنيتي دمي
والچفن ذاري التُراب

اسمع صوت
من تابوت
زفة موت
وا قاسماه

ويا يمه جبتيني بطل...واحصد ابروس الابطال
يايمه رايح مو عرس....رايح حرب بيها اهوال
مو رايد الدنيا ابد...وبـعمي تشمت عذال
رايح قيامة ويمنتي...رعده ويساري زلزال

يمه ودعيني .. مو ناسي فضل الحليب
باچر بالجنة .. نتلاگه يم الحبيب
روحي ييمه .. حين ايذبحوها
گولي حُب حسين .. للجاسم قسمه ونصيب

اسمع صوت
من تابوت
زفة موت
وا قاسماه
_______________________

كلمات الشاعر : خليل آل إسماعيل

_______________________

تحميل القصيدة mp3

[EV ']

تسلمين زهراء

[ღ عِشق ღ]

تسلمين زهراء

نـورتـي وردهـ