على بركة الله ..أفتتح الأخ جاسم الزركاني محله في الهورة ...ليدير أعمال منظومته مع خدمات الشبكات
و كان في الافتتاحية ( بيتزا , مقبلات , و بيبسي دايت, زيتون )
أما الحضور ......فأترككم مع الصور ( يعني انتوا أعرفوهم ..خخخخخخخ) ,,,,و أعتذر عن رداءة الصور بسبب قلة الأضاءة ...يللة المهم الفضيحة مال البيتزا
بالمناسبة أحنة مستعدين للفضايح ...يعني خاف ما تعرفون واحد من الموجود بمؤامرة البيتزا ..بس أشروا عليه ...صدك جذب ...تدللون
التعديل الأخير تم بواسطة Gardenia ; 18/September/2010 الساعة 4:33 pm
موفقين ان شاء الله....شكرا اخ علي على الصور الحلووووة
معقولة لا سامر ولا احمد الاوسي فاتتهم حرامات
زين انت ليش ماخذ الهم صور همة ياكلون وماخذ صورة لروحك وانت تشتغل
على اساس فقير متاكل ؟؟؟
مبروك خوية ابو علاوي على المكتب الجديد ... وان شاء الله تصير شركات
مشكور اخوية علي صرت بعيد عليكم بس روحي يمكم و افرح بصوركم
وبالتوفيق الى الأخ جاسم ابو علي
مبروك اخي العزيز جاسم الزركاني على المكتب الجديد لادارة المنضومة نتمنى لك التوفيق والنجاح الدائم تحياتي (شاهد عيان)
ههههههههههههههه والله يا علاوي شعندك سوالف
وعود انت كاعد اتبرمج وهمة ملتهين بالأكل ودالين انتبهت عالشغلة على اساس انت ماتدور بيدزة خخخخخخخخخخخ
عاشت ايدك عالتقرير الحلو بأنتظار ما هو جديد........
ومبروك وشايف كل الخير ابوعلي عالمكتب الجد وان شاء الله التوفيق
هاي الشغلة بيه خيانة مدام بيه اكل ليش ابو حسين لو بس متصل وداعتك خلال دقايق احنه يمك بس شسوي عالجايات والف عافية
مبروك عيني ابو علي تستاهل
أخينا و دكتورنا العزيزالمشاركة الأصلية كتبت بواسطة DR.PANADOL
اللهم ربي يوفق الجميع لكل خير...و اشكرك كثير الشكر
لا يا خوية أحمد الأوسي موجود بس هذا احمد الأوسي ..يعجب بهاي السوالف بالبداية يكول ما اشتهي ...و بعد ما شافنة خلصنة صور و التهينة
هجم على النص المتبقي مال البيتزا
هسة دطبي محضر ..خير ..غير اني الفاضحهم شلون اصور روحي آكل وياهم ...دغلسي انت و الج بيتزا ....هههههههههههههخخخخخ
تحياتي الج يا وردة
أخي العزيز و البعيد بجسده , القريب بقلبه منا
أشكرك كل الشكر و أتمنى لك التسديد و التوفيق لكل خير .
تحياتي لك
رد مع اقتباس