سلام على المهدي المنتظر
وين يل غايب اوديلك سلام
جمعه وادري بكربله تزور الحسين
اه يا مولاي جا يمته تجي
وتدري بينه عله ظهور مناطرين
طال الغياب وبعد ماظل صبر
وندري حيل وياك احنه امقصرين
والله تعذرنه عله اعمال الجرت
وتدري احنه اشكد عليهه نادمين
صارت الجمعه ونوديلك سلام
يمته تظهر يبن امير المومنين
ليش طولت الغياب وما تجي
وبعد ماتحمل اكلوب العاشقين
ننضر الدربك يمهدينه تعال
وتاخذ ابثار البكه جسمه عرين
مو بعد ثارات الك تاخذهه كون
الزينب وذيج الضحايه امذبحين
وتاخذ ابثار الرضيع البل مهد
وموش الك بل شام اهل وميسرين
اه يا عمتك مشت ويه الغرب
وادري هذه الجارحك واكثر ونين
من تطب ديوان زينب وزلم
تعاين عليهه وعليهه شامتين
هيه عمتك بالحزن وتريد ثار
كوم يالمهدي وتوفي الهه دين
يا عجيبه اشلون صابر سيدي
وزينب اتريدك تجي بل اربعين
تاخذ ابثارات عاشر كربلاء
وثار كافلهه الهوه ابلايه ادين
#محرم١٤٤هـ
#ويبقى_الحسين
رد مع اقتباس
