هنا

[فقار الكرخي]

الأنصار مخاطبين الامام الحسين ع :

وياك حد ما يعمن .. گوم ليها مسرفن

الموت عطشان و چهبنا و من مناحرنا شَرب
انصارك شما تهد بينا لكل عثگ نوگف رطب
نشبع الخـطار ملگه و نشبع السيـف برگب
من نهد تنـور طين و حـالهم حال الحطب
إنفحط الما فحطن ..

حسين بس إشِر بصبعك تمطر الدنيا ذبح
جرح اليغثك بطوله يصير و نغسله بملح
روسنا الگدام راسك تتـرس عيون الرمح
لا تعبنا و لا جزعنا و لا ندور ع الصلـح
أندوّر الما تعبن ..

گالو اصحاب الحسين و صَيّح الطف "والنعم"
طـبو الما يـوم بردو صارت الـوادم ردم
صاحت الدنيا من اجينا "هلا بالكلش زلم"
كربله تگـوم و تطيح الگاع كلسا تنثـلم
الخيل منه أيونّن ..

يبچي كلمن صار ضدنا و احنه گاضيها ضحك
يروح تاج و يجي تاج حسين بس انت الملك
كلها تچوه تصيـر يمك گوم يا شيخ العرك
إيهلك مـو بس الگریب الشارد بعمره إيهلك
و الجدام إيرجفن ..

خيمگه تصير و رعيد و انت حوك و ما تچل
من تلاگي الضوه تذبحه و فنّه لو لحگ يزل
بكيفك أتطشها و تلم بكيفك تشـد و تـحل
المنجل من يشوف طيفك يابو الأكبر ينعدل
تعدل الما عدلن ..

گوم بس امشي اعلى كيفك خل يگضوها ركض
تدري ما يحتاج سيفك طـولك يكفي و تفض
همه بس مـن طاري إسمك ظلوا بطرگ العرض
شلون لو طـبيت ليها و ابو فاضل يـنتهـض
و السيوف يضحكن ..





لـ ايهاب عيال الظالمي

[ايليتا]

سلمت الاختيار... متالق دوما فقار ... عشت

[رئاب]

شكرا لك

[انثى مخمليةة]

شكرا لانتقائك الجميل