شيل زنجيلك ودگه على الظهر
أذكر أجفوف الي طاحت عالنهر
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ ٪
أذكر العباس
وأجفوفه ال ثنين
فدوه قدمهن
لجل حب الحسين
ومن تطيح بشده
نادي أم البنين
تقضي الحاجات
هاي أم الفخر
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
شيل زنجيلك
بسم حامي الدخيل
بالشعائر واسي
زينب والعليل
وصدق من سماه
عباس الكفيل
علي والله والنعم
فارس مضر
٪٪٪٪٪٪٪٪٪٪٪٪٪٪٪٪٪٪
شلون حاله شلون
يشرحها النهر
وجربتك تشهد
ثباتك ياالگمر
أطفالك أتناديك
تعبها السفر
وسكنه عطشانه
الجبدمنها أنفطر
٪٪٪٪٪٪٪٪٪٪٪٪٪٪٪٪٪٪٪
اليوم أريد اليوم
أكسر هالظهر
ولجل دين الله
ميهمني الخطر
حقي من ألطم
وأون طول الدهر
والنكر فضل ابوفاضل
في سقر
٪٪٪٪٪٪٪٪٪٪٪٪٪٪٪٪٪٪
خلي بالدمعه
نزور المشرعه
ونشم عطر الوفه
من يم مصرعه
وفاطمه وأم
البنين الأربعه
حاظرات وأبكن
أعيونه الدهر
٪٪٪٪٪٪٪٪٪٪٪٪٪٪٪٪٪٪
بقوه ياشيعه علي
عيدوا المصاب
هذا عباس التحل
بيه الصعاب
زنوده مرميه
وبگة فوگ التراب
أشكي بثي
وحزني لله بالخبر
٪٪٪٪٪٪٪٪٪٪٪٪٪٪٪٪٪٪٪
بقلم خادم الأمام الحسين
عليه الصلاة والسلام
الشاعر الحسيني المجاهد حسن نايف سعود مهنا الخفاجي ابو مؤمل
رد مع اقتباس
