هنا

[ღ عِشق ღ]

[ هنيالها زينب بيك هنيالها ]

ياحلم يالما تنجاس ياماي يمصاحب هله
سولفوا بيك الفرسان گالوا اشما يتعب حله
والگمر لو باگه الغيم عباس عنده بكربله

ليش اعله جودك رگضت الچتاله
تارس جربتك ماي لو خياله !

[ هنيالها زينب بيك هنيالها ]

تخطف ضوه وماتنشاف يمحير وياك الزلم
مثل الحلم ماتنلاح ياچف گدر يلزم حلم
من عينك يريد يشوف ثاري السهم هم يفتهم

روحك ابزينب مامتت بجروحك
حروگوا خيمكم يلا طلعت روحك

[ هنيالها زينب بيك هنيالها ]

عباس موت اعله حسين وتگاسم اوياه الضمه
موت الگمر مو بالگاع هوه الگمر بس بالسمه
مر طيف اريد اگضي الشوف واوصل بطيفك للعمه

هوه اليحبك عشگه يعبـر گلبه
هذا الحچي وماشفنه بس التـربه

[ هنيالها زينب بيك هنيالها ]

عباس يالواگف خير هنيال بطن النگلتك
ماطاح چفك بالگاع طاحت الگاع بيمنتك
عطشان بس چان الماي يحسد الماي ابجربتك

بثنيهن عباس چفك گـمره
يامحلى وجهك بالزعل والخضره

[ هنيالها زينب بيك هنيالها ]

زينب تسولف للريح من هده وصارت سكته
من شالوا اعليـه السوط گالت افراگك ضكته
معناها ميت عباس عباسنا وعارفته

بالبيت بالطف عالرمح خيعوني
هوه انته نفسك عباس بـ عيوني

[ هنيالها زينب بيك هنيالها ]

____________________________

كلمات الشاعر : حمـزة الحسنـاوي

____________________________

تحميل القصيدةmp3 >

[YAĞMUR]

تسلمين زهراء

[ღ عِشق ღ]

تسلمين زهراء

نورتي غاليتي

[عدنان الواثق]

[جہٰۧﹻۧﹻﹻٰٰﹻ۬ﹻوجہﺂيہٰٰهہٰۧ]

يا ابا الفضل