قصيدة نزلة ... في رثاء الإمام الحسين عليه السلام
نفتخر خدامك. يا أبا عبدالله
نشـعـر بآلامـك. يا أبا عبدالله
..................
خدمتك تاج وشرف حگنه من نتباها
ياحُسين بكل زمن نبقه دوم وياها
ميّزك الله بصفات بس الك خلّاها
الجنة لو ما خدمتك النه ما سوّاها
كلشي بين چفوفك. يا أبا عبدالله
سـر إلـهـي حروفك. يا أبا عبدالله
جنّنتنه بحبك واحساسك
مانعوفك لا وحگ عباسك
نفتخر خدامك. يا أبا عبدالله
نشـعـر بآلامـك. يا أبا عبدالله
...................
احنه جنّنه العشك عشگك شمحلاته
بيك ننجن ياحُسين من تمر نسماته
انت قـرآن الغـرام نـرتــوي بـآيـاته
كل گلب نبضه حُسين يالسكنت بذاته
للحشر عشّـاگك يا أبا عبدالله
ما نطيق فراگك. يا أبا عبدالله
فضل منك ياحُسين الغالي
خدم تقبلنه ونظل للتالي
نفتخر خدامك. يا أبا عبدالله
نشـعـر بآلامـك. يا أبا عبدالله
...................
احنه نتنفّس هواك مانعيش بدونك
مو فقط عابس تره كل محب مجنونك
مانعوفك مستحيل لا وحگ عيونك
الله خصص جنّته بس لليحبونك
نلـتـزم منهـاجك. يا أبا عبدالله
بالشدد نحتاجك. يا أبا عبدالله
كلمه وحده ومن زمن گلناها
خدمتك يحسين ما عفناها
نفتخر خدامك. يا أبا عبدالله
نشـعـر بآلامـك. يا أبا عبدالله
...................
بالنواصب ما نهم خلهم يسمعونه
فدوه لحسين العمر والله ميّمنعونه
بكربله زوار اله كل وكت يلگونه
واليضحّي للحُسين نهتف بخيعونه
خلهم يلومونه يا أبا عبدالله
والله ما يثنونه. يا أبا عبدالله
عالعهد ويّاك نبقه انعاهد
ما نبايع غير شخصك قائد
نفتخر خدامك. يا أبا عبدالله
نشـعـر بآلامـك. يا أبا عبدالله
...................
والزياره من تجي نعتني مشايه
بربعينك سيّدي رايه تسبگ رايه
ياحُسين بهالامر شيعتك وفايه
راية نرفعها الك بسمك مسمّايه
يالتحـب ضيوفك يا أبا عبدالله
مستحيل انعوفك. يا أبا عبدالله
بربعينك زينب نواسيها
والزياره بكربله نأدّيها
نفتخر خدامك. يا أبا عبدالله
نشـعـر بآلامـك. يا أبا عبدالله
رد مع اقتباس
