هنا

[علي الازيرجاوي]

تدري عطشانين الك منـذ الازل

صحره ومتانين ماتمطر شجاك
تدري عطشانين الك منـذ الازل
وانت رحمه ونزلت اعله امك وابوك
واعله هاي الفقره ماتدري اشنـزل
تدري لومريت كلنه اهلك نصير
والنه كلنه تصير بس انت اهل
حجار نشمر عاليمر بينه اويعيل
وانت من اتعيل نشمرلك قبل
غزل مانكتب لان كالو حرام
استغفرالله نكول لوذكروهبــل
ومن يمر طيفك علينه ندوخ بيك
ونصحه نص الليل نكتبلك غزل
انت بيك اثنين رهمن بس عليك
العاقل تسودن والمسودن عقل
العسل شافك حلو جلب بديك
وجاب اديك اعليه وغم روحه العسل
وين يمعود تعال وبس تعال
وشوف ياهو المات وشلونه العـــدل
انت من تضحك نظل نبجي عليك
شلون لودمعك على خدودك همـــل
ظلمه صاراسنين نتنطر ضواك
وياضواك الصار للوادم امــل
عدنه لاله من اهدهارون الرشيد
ولان ما عدنه نفط ماتت خجـــل
ومن اجيت انت اجتنه الكهرباء
والكلوب المحترك عدنه اشتعــل

[كبريائي قاهرهم]

ههههههه
عمي الله يساعد كلبك
حلوو
وعاشت ايدك علاوي
بانتظار جديدك القادم
ودي وعبر وردي

[علي الازيرجاوي]

شكرا يا ورد انت الراقي
واكتفي بردي عليك بــ