هنا

[علي الازيرجاوي]

احبك حب عراقي يحب الهموم

احبك حب عراقي يحب الهموم
أصيل وشايل الدمعه ويسليك
حبيتك طفل عايش وياي
ياعشكالطفوله شلون أأذيك

سامرتك ليالي وكلبي مذبوح
مثل نجم السعد بحضاني الوليك
يدك ناي الحزن وي صفنه الليل
حد وجه الصبح موال اغنيك


واسولفك عليه وحالي خلصان
بس عندي المهم لازماداريك
شوف اثار حبك بين العيون
بين شيب بيهن وانت مابيك

وبين بالكلب حبك نياشين
بعد شكثر بعد وتريد اراويك
بين كلشي بين منك وياي
سلاما على الجروح البيه هاباريك

جنت شمعة بحياتك تطرد الليل
هسه الشمعة ذابت بيش اضويك
اترس حضني الك بدموع العيون
واذا راحن عيوني اشلون ارويك

من ماي الكلب شربتك وياي
وافتحلك نهر من كل هسه
الكلب مات او مو كلب صار
جثه ابنص جسم حاجيني شنطيك

لميتك دمع بعيون الايام
كلي شراح اكلهن لمن ابجيك
ألملم ذكرياتك حتى ارتاح
وشوف شباقي بيهن حتى ابديك
طبع ذيب الوكت لتأمنه الجروح
زمان الضحكك لازم يبجيك

[كبريائي قاهرهم]

ردت العافية لقسم الشعر الشعبي
بوجودك حبيبي الغالي
نورت القسم من جديد
بجميل هالكلمات الراقية
لا حرمنا روعتك
ودي وعبير وردي

[علي الازيرجاوي]

حبيب كلبي يسلمك الله يا غالي نورت