زينب آنه اللي ما إليـه شافوا خيال
وسف مشاني الدهر مابين الرجال
من هوان الدنيا اتچتـف بالحبال
بعد عباس اليگود الناگه چتال
يادمعتي چـم كلمـه اسمع وابتـلي
يادمعتي مو هـذي زينب بـت علـي
عقيـلة علي ابيـا رزيـه
عليـه يصيحـون سبيـه
[ آنه الغريبه الغريبه الغريبه ]
الليل نجماته خجل ماعاينولي
هسه ياهو الچـان گام ايشوف طولي
بـس احامي ابسوطهم لازم يجولي
وين ماعاين شماته اتحـوم حولي
كل القهـر تجـرحني نظرات الزلم
كل القهـر بعد الخدر ذاك انشتم
مـراري جرعته عذابي
بعد عينه حـارس حجابي
[ آنه الغريبه الغريبه الغريبه ]
[ أميرة بني هاشم آنه .. سباني الدهر من هوانه ]
آنه الغريبه الغريبه الغريبه
اصبر واتحمل الدهر وكروبه
نوبه أذكر كل دلالي ابچي نوبه
واحد الألـمني لمن صرت صوبه
گلي اخوج حسين آنـه اسلبت ثوبه
واحد اجه يم راس اخوي ايلازمه
واحد اجه وبجفه لابس خاتمه
انادي ابدمعتي والاحساس
اريدك يخـويه يعباس
[ آنه الغريبه الغريبه الغريبه ]
عفة الله خدري تربية النجابه
ستري محلوف ابعظمته وبحجابه
آنه من بيت المعزه والمهابه
هسه بيتي صار ياعالم خرابه
وبحسرتي الراس الحسين اشكي الحزن
وبحسرتي يم راس ابو فاضل أون
مشيبي ابسبب روس الثنين
اعله بوفاضل ابچي وعلى حسين
[ آنه الغريبه الغريبه الغريبه ]
[ أميرة بني هاشم آنه .. سباني الدهر من هوانه ]
آنه الغريبه الغريبه الغريبه
جبت روس اخوتي ورديت الضعينه
من دخلت الكربله ناديت إجينه
وين ابوفاضل ابو روح الحنينه
وگلبي ينده وينه گبر حسين وينه
من ناگتي طحت وصحت متحيره
من ناگتي وينه وضـلوعه امكسـره
رجعت ابـجراح الـرزيه
واجيتك بـلايـه رقيه
[ آنه الغريبه الغريبه الغريبه ]
_________________________
كلمات الشاعر : حاتـم صبـري الكاظمـي
_________________________
لتحميـل القصيـدة "اضغط هنا"
رد مع اقتباس
المشاركة الأصلية كتبت بواسطة بـــراءة
