هنا

[فقار الكرخي]

ياكمر
هاكثر تندل اليطيح
اتفرهدت عيني عله طولك ياكمر ،

بيش اكضي الليل
وانته ،، مشارك عيوني على رماد الصور ،

ياكمر تسهر المن ياكمر .؟
ليلية وحدك ...

وتنطفني رماد السكارة
ومامش جفوف التلمك "
مثل ليل الخوف تكضي
لشعر ،، لناس،، تكضي

وتالي من تصحه الفجر تنباع سكته ،
وتلكه ضيك ميت ابين النجم
حسبة ع حسبة ومامش عيون التزته

مامش انته ؟
كل مناديل الولاية تسابكة من عرك جفنك
والدمع وحدك شربته !!

وكل شبابيج المتانه
تنادست من لمع ثغرك ونطفت شفه اعله شفه

ولاهي صدفة :
الطيف يمشي برمش عينك
من تفكهن باب باب احلامك وترجع وحيد .؟

وياحسرتك
من تشوف عيون ناسك
ناطرتك نجمة وانت هلال عيد .!

جلمة الـ وينك دليل تلم شكو بنادم بعيد ..

يابعيد ... شكثر كتلك
يم محطات التذاكر لم غربتك
وضحك بوجه القطار
وياما كتلك مو بطر لون السمار .؟
وياما كتلك ...
الانتظار ،
الانتظار ،
الانتظار ،
شوازه عمرك
ونبعت ليلة عله بيبان النهار .!

وضيعت لونك
بوادم مالهم نظرة بسماك
بسك تجر بحسرتك
هذه ذبلان الهوه لاموهواك ،،

جيس كلبك ،
من تفز جم مرة يوكف
تلكه جم موعد جزاك ،،

تلكه بخيوط الفجر منحر ضواك ..!

ياهواك ،
بنفس متعوب شيردك ،
لم غربتك ..

من جنت كد الاصابع ماحسبتك
هسه من شريت عمرك ع النذور
تريدني استاحش غربتك ..؟

صيح روحك ياغريب
الصوت من يفرغ يرد يصيح روحه ،،

اشجم حلم خاتل بعيني
وجفني مايكدر يلوحه ،،

يخاف من ليل المناير يلم ضيه وينصلب
وغافلت عيني ومشيت بلادرب
ممشه الصور بجفون عاشك
لو حظه بديرة غرب ..

غافلتها ،،
بحجة البيبان تستاحش غربتي
وسافرت ...
وردود رد بيه النفس
من طاحت الدنيا أعلى عيني
وصاحت الوادم متت .









حسن قاسم

[أستثنـآئيـّةة❤️]

رووعه

[سمراء من قوم عيسى]

جيس كلبك ،
من تفز جم مرة يوكف
تلكه جم موعد جزاك

الله الله