هنا

[فقار الكرخي]

عيوني تعبت صافنة بعتبت كفاك ..
مرلي حت لو ايد بيد مكاود المني خذاك
جيوب حيلي فارغه ما بيهه حيل
الظحكة جن خطوة عراق
بلايه مهدي نحو تحرير العراق ..
شلون بيهن
ذكرياتك ظاله براسي رماد
كَبال واحد سولته من يعصب ينافخ عليهم
الملامح ظاله بوجهي حصير ..
تسلتت ..واحلامي چرچفهه گصير ..
خذني واشمرني اعله تعلاگة افكارك
زغير وماكلني هجرك ..وين متخليني اصير ..
الشابع من الوحده يستجدي الحنان ..
غرفه وحده ابيتنه تجرحني ليش ؟
حته من ارد ابچي ماعدنه مكان !
ينهش بروحي المرض .. محتاجلك
ضلوعي تشهكَ عطرك .. وأشتاكَلك ..
بس تعال بداعت الحبيته غيري
وغيرتك .. محتاجلك
الخد درب شياب بي طبعات لجدام اليفوت
وانت وجهك ثكَل اول صمة تراب وتكَع من جف عزيز اعله اليموت
التحق بالا وعي من المح ضواك
والله زحمة بشاربي تمرجح هواك
روحي تتشكك ظهر حمال خبزة
بيهه وحشه .. الضوة يخرمشهه وراك
الشيب شيشة عطر بي ريحة هواك





محمد المسعودي

[انثى مخمليةة]

طرح رآقي وأنتقـــاء مميـــز ومجهود رائـــعالله يعطيكـ العافيه يااخـــي....
لـروحكـ السعاده الدائمــه