زلمتنه انكتل بس رجـّع الشيله
جر اقسامه وهـوه ع الكــحيله
ورمه وگرضة عگلهم من رمه الچيله
وصدگـ مامد اديه بس عدل اكله الطير
زلمتنه انكتل بس رجـّع الشيله
وچا هوه الزبيب امطرگـ بلا شيب
امسنـّع من يموت ابيته نبچيله
علي ينّوم الحشد بفراشه من ايروح
وهـذا من الحشـد ومزامـط بحيله
الفرق بين الگبر والبير بس الماي
وفرق زلمه اعله زلمه الغيره التشيله
وكلمن بأهله يمشي اللاله تحبل نار
بت الشيخ دله . . . النجمه بت ليله
واخذ ثلثينه منها الماي خاله الگاع
وعلى نثيه النهر ضل ماي يجريله
زلمهم لو جنايز مـا مشـوا جدام
وخشنه زلامنه خشونة گشر هيله
اذا ع الطين هيـه بنادم التنور
اكو وادم غفت وفراشهم عيله
گلاده الجربه تلبس لو بطول اركاب
واذا كضو تفگ بس ناس اهل ميله
البير بلا ردح واصل لراسه الطين
وهوه الكله سم خل يگرص بذيله
علي القالع الباب وغيره مادكوه
وابن الخاف امس خل يسرج بخيله
ويحب يسمع رعيد الذوق اذا فلاح
بس وليدنه المايرضه نرميله
نرمـي عله السـمه وعدوانه موش اطوال
وانـه ادري النـحبه نكوم ندعيله
عــلاء المغشغش
رد مع اقتباس