لهذا اتشوف من امدح علي ابيش؟، شعر شعبي عراقي عن الامام علي عليه السلام
كلمن گام سولف عن علي الله
ويظن يبلغ مقامه بكل سهوله
وَهم .بعقولهم وتمشكلوا بي
الاوسع من خيالك ماتنوله؟
لهذا اتشوف من امدح علي ابيش؟
اسولفله بشخابيط الطفوله
واشخبطلك علي وضمن الشخابيط
حچي عُقال تسمحلي ارد اگوله
علي فتش نوايا الشيعة اذا جوك.!!
لأن ياهو اليجيهم صفگوله
ولأن اية(عطا)دستور مولاي
ماجامل واغش البيه لوله
وإذا خلوك رابع يعني شيصير؟
وإذا كرسي الخلافة تصدروله
تظل الهامة هامة وين متصير
ويظل الذيل ذيل اوياالذيوله
أنا معود الساني اعله الحچي الحار
اغم السالفة الكلش خجوله
اتعارك وي ربهم ياعلي اعليك
رب ذولاك...لاله ورب هذوله
لأن الله البراسك يختلف حيل
عن هذا ابو النار الثقفوله
علي شايل ذنوب بكثر تقواك
ولا فكرت بالنار المهوله
علي يانار وانه العايش بنار..؟
حبك واحترگ عمري اعله طوله
الزلم تولي وتعف..يالبيدك النار
تعذب المحترگلك مو رجوله...!
وفرضنا نگول حكمي استقر بالنار
وحقك يا علي القصه امحلوله...
علي موفوگ چفك رحمة الله
ويجي ايلگط الناس الينتموله
علي چفك يطب للنار والنار
تظل مشتعله عود شبيها(ثوله)...؟
علي بس لفضة اسمك(خمر).(عرفان).. .؟
بس (للفلسفة)انه بروحي سوله
علي اوياالله علاقة ماي وي ماي.........
الفوارق فقط (بالكم)..(والسيوله)
وأصلا ليش نعزل ماي عن ماي...؟؟...!!
العقل ياماي ضاگه ايحس بلوله
علي بچبدة الليل تنگب باليل..
وعبى خروج عطفه وجر.ذلوله
وترس بميبان ناسه هاك ماهاك
وكلمن جاله رزقه الدور حوله
ما عرفوا ولكن من عطاياه
گالوا هذا ابن وادم حموله.......
عدنان البركي
رد مع اقتباس