هنا

[فقار الكرخي]

‏و ياما بچفوفك بچيت
‏ وگتلك من الدنيا
بس أنتَ الصدگ كل قوتي ردته
‏وچنت واحنه بعز ضحكنه
‏ادمع واگلك ..
‏مالي يـ حبيب بعد بس الله وأنتَ



‏مات
لا تنطر بعد خلك يجيك
و سدهن بـ وجه الامل بيبان اديك
مات
لا تنشد عليه و شلون مات
شرحوا جثته لكوه ميت عليك





‏غافلت ريتي
وخـذت ويـن الـ عـذيبي
ومنها جيتك
وديرة الكاس إندرت فدوه على ريتك




‏شوكت ياجرحي تنشف
كافي عوزك طول
البعمرك عقل والطعنه ناسيها
وعله حس الجرح خفيت دمع العين
مو روحي التخف عل طبل رجليها.





‏عشگتك
حلم بالوحشة البعيده تسامر جفوني ..
وعشگتك
من ونين النايحه الحره
التلم مجرى
الدمع من عينها عيوني






‏يـمك گلتها وچان بالك يمها
بعدك أنفاسي أتصير مره أفهمها

النسمه التجي وما جايبـه وياها مراد
منك تطب لريتي تسممها

شوف انت واحكم مختنگ لو مجنون
ظليت أهفي على الصور واشــتمها





‏اجيتك طافح انحرني

بطرگ حزني
بطرگ شوگي

السهر والخوف والوهواس والظلمه
كلهن من اذكرك ينچفن فوگي





مرة گلت لصاحبي
لامنــي تزعل هواي بالدنيا انغلب

وضحكت الدمعه ع خدنا
وگال ماعندك گلب ..




وشرايَد من اللّٰه بَعد
مثلچ بنيهَ تحبني
ماأتعب بحبچ أنه
بس غيرتي أتعبَني.






اوچلماتي...؟
چلماتي روجات الشط
ساعه تمر مر الگطه اليتناغم ابضحچ البط
اوساعه تفوج اعلئ السمه جنحان طاير ماحط





يمته الله ويفك البوب
مايصحه ضمير الصوت
جا يمته الفقير يعيش حتى
بمشتهاته ايموت





دنيانه وسمانه
وناسنه يخنگون
الهوه والراحة بس يمك احس بيهة
يخنگوني ..
ويبعدون الهوه وطاريك
واطلع صورتك من عيني
اشم بيهة





اشتاگيتلك وادري بمحبتك جذب
وادريك حالك حال ذاك المشه

گالولي ربعي عليك كلش خشن
بس انه اگلهم انعم من النشه





ويا فشلتي... ويه امي من ارد وانسئل
هاا... يمه عازم صاحبك للعشه
وك شرد اجاوب والدمع ثق وكح
غشيت عيني وطلع من الغشا





لآ تبچين !!
لآ تبچين عبرآتچ منآيه و دمعتچ سجين
لآ تبچين !!
وانه گلبي بـ ترآفة وركة البربين
لآ تبچين !!
وانتِ خدود عندچ اترف من المآي
ولو طآحت دمعتچ تترك نيآشين
لآ تبچين !!
الي گلب يتحمل نص عذآب الكون
ومآ يحمل دمعتچ لو تلآلي العين
لآ تبچين !!




مالي حيل الشوك ياخذني ورد بلاحبيب
ومالي حيل الناس من تشوفني تكلي غريب
سجه العشاق مابيها وداع
وحصه العاشك جفن كونك شجاع

[دكتورة اسنان]

رووعاتك غلاي
يجننو

[انثى مخمليةة]

ومضاات رووعه

[رئاب]

يسلمو ورده

[حہيہدر الہبغہداديہ]

شكرا للانتقاء الجميل