#قصائد_استشهاد_العباس_ع
خويه زينب تسمعي
صاحلي العباس اخي
هاي اول مره اسمعه يأخي ايناديني
هاي اول مره اسمع كمر هاشم انه
جلمت الخويه شحلاهه طلعت امن لسانه
امي الزهره يزينب حظرته ابميدانه
لمن شافت آل اميه كطعت ذرعانه
ابحظن امي الطاهره
طاح سبع الكنطره
انه امك وانت ابني خويه نادي احسيني
هاي اول مره اسمعه يأخي ايناديني
طاح من مهره كفيلج والزجيه اتلكته
الارض بيش ايتلكاهه ابلا يسرته ويمنته
سهم المثلث ابعينه شافته امي وعافته
اذكرت البسمار محسن وكع لمن جرته
شافهه العباس اكيد
اتكله اخيك ضل وحيد
يمه لو عذرك اجفوفك كوم اخذ جفيني
هاي اول مره اسمعه يأخي ايناديني
اتعنه ابوالسجاد وهوه اعلى المهر ذب روحه
فوك اخيه اوكام يمسح بيده دم اجروحه
رايته وجوده وجفوفه اعلى الارض مطروحه
كبل ذبحك كله زينب بل خيم مذبوحه
بحجره من حط راسه
ما قبل عباسه
بحجره ياهو يخلي راسك عالارض خليني
هاي اول مره اسمعه يأخي ايناديني
خلني امجاني يخويه وحدك ارجع للخيم
زينب وسكنه اورقيه لو ينشدن والحرم
جر عمود الخيمه وصرخ طاح شيال العلم
جاب ماي الكم وجاكم لجن شك جوده السهم
وكف وتلكه السهم بعيونه
اولايجي ابلاماي وتشوفونه
كلي ع الشاطي ارد اظلن لو متت خليني
هاي اول مره اسمعه يأخي ايناديني
..
رد مع اقتباس
