اخر امنيه للحسين وهو تحت حوافر الخيل ان تاخذه الى شاطيء النهر
ليموت قرب اخيه العباس
ياخيل يلي تسحكين ضلوعي _ من مصرعي وديني صوب النهر
حتى من اموتن يبقه بين عيوني _ اخر وجه شفته لخوي الكمر
/////////////////////
طول العمر عشنه سوه
ريه ويمر بيها الهوى
راح وبعد ماظل دوه
لجروحي
من مات ابو فاضل متت
عايش ولاجني عشت
شفته واحس اتكلمت
وي روحي
كتله _ كل لحظه بغيابك سنه
كتله _تدري الاخو عز وغنه
كتله _ ظهري تره توه انحنه
مابيه اصبر علبعد واعضيدي _ مابي يجيني وهذا وكت الاجل
غابت الدنيا وطيفه لسه بعيني _ ونبضي يدك كل لحظه يابا الفضل
///////////////////
يا خيل اخبرج ياخبر
واخر وعد فوك النهر
اعله الثرى عفت الكمر
تدريني
ما شافي صدري اموادعه
واعليه اجيتي مسرعه
كونج تلبين الدعه
وديني
يمه _ خليني اموت ابراحتي
يمه _ واشفي دليلي ابونتي
يمه _ ياخيل تحله موتتي
عطشانه عيني وشوفته ترويني _ كثري الحوافر رايد اوصل اله
حتى الهوه ماشمه لو يلفيني _ لو ما حمل من كافلي بسمله
///////////////////
تعنيت اله قبل الاجل
ردت احمله بس ماقبل
حاجاني بس يرعش خجل
من زينب
ابيا وجه كلي بعد
اوصل وانا تارك وعد
كض ايدي بس جفه برد
واتحسب
دوسي _ وبهمه اخذيني اله
دوسي _ سحكج تره الكلبي حله
دوسي _ واستعجلي ارد اوصله
ياخيل عجلي ابحافرج سحكيني _ شفت الشمر كاصد اجه المنحري
اوصيج صوب المشرعه وجهيني _ رايد سحك مو داير وبي جري
//////////////////
لمن سمع صوت الجدم
ضناني ذباحه قدم
كلي اخوي البلخيم
يجيني
جمر الخيم بيه طفه
وشبت مواكد عاطفه
كتله النظر كال انطفه
من عيني
شفته _ لمن سمع صوتي ابتسم
شفته_ يخفي تحت وجهه الالم
شفته _ كل باله يمي وللخيم
خايف اموت وجثتي عنه ابعيده _ واخر جرح للروح موت البعد
جربت كلشي ابكربله واعليه _ اصعب احساس الشفته هوه الفكد
///////////////////////////
لمن وصلت اعله النهر
كلبي اعله عباس انكسر
ذاك الجبل شفته وذر
ياكلبي
اعزل وصل عن الدمه
رايد كتر بي الثمه
طحت ونظرت اعله السمه
ياربي
ريته _ كبلك يعباس انهدم
ريته _ حيلي ولا صابك سهم
ريته _ انه ابعمد راسي انهشم
جلمه اخيره عندي يم الكافل _ من زينب اتعنت الي وكالتها
لو الله كاتبلك عمر بس كله _ ابغيرتك اختك تشد شيلتها
رد مع اقتباس
