ام البنين عليها السلام
يوم الذي لا مال ينفع بي ولا ابنيــــن
دمعك ينفعك يالجريته لـــم البنيـــن
يوم الذي نوگفها وگفات الطويلــــــــه
نتلفت ايمين ويسار ومــاكـو حيلـــــه
خير العمل معدوده اعمالـــه قليلـــــه
نحملها ويانـــه خطايانــــه الثجيلـــه
وأتصور اگبالي تجيني ذنوب السنيـن
يوم الذي لا مال ينفع بـــي ولا ابنيـن
تتجمع بهاليـــوم ناس ابكــــل الأجنــاس
وآنه المخاوف تبدي بيه وهذا الاحساس
لا يعرض ذنوبـــي الملك گـــدام هالنـاس
كلشي علن مكشوف لا ساتـــر ولا البـاس
وين المفر يا ناس درب المهرب منيـــــن
يوم الذي لا مال ينفع بـــــي ولا بنيــــن
سوده الصحيفه ودفتر الزينات خالـــي
اغفرلي يا رب العرش ارحملي حالـــــي
آنه الگظيت العمــــر وافنيـــت الليالــي
ابچي المصاب الاربعه وام الغـــوالــــي
هالدمعه ما تنساها ام الاربع بنيــــن
يوم الذي لا مال ينفع بي ولا بنيــــن
دمعك يطفي النار لو هل لذچــرهـــا
هاذي العبر لهل الفكر ناتج ثمـــرهـــا
كلمن لزم منهجها وانطــاع لامـرهـــا
يعبر صراط الاخره ويسلم خطـرهــا
تلگاها ام عباس تشفـــــع للمحبيـــن
يوم الذي لا مال ينفع بي ولا بنيـــن
يوم الحشر يكشفها لذنـــوب الچثيـره
واحدنه مذهــــول الفكـر ما اله بغيـره
نتحاسب اعله لمعصية زغيره وچبيره
حاشاها ما تنسانـــه ام بدر العشيـــره
بس نظره منها الكل تصير هناك ناجين
يوم الذي لا مال ينفع بـي ولا بنيــــــن
ام البنيـن الضـــحت وقدمت قرابيـــن
للدين بذلــو تضحيات او وفــو الديــن
مهجت نظرها ولنظرها ترخص العـين
نذرت بنيها الاربعه النصـــرت حسيـن
حاشاها تنسى اليلطم وينعى على حسين
يوم الذي لا مــــال ينفع بـــي ولا بنيـــــن
رد مع اقتباس
