هنا

[الشاعر هاني حماده]

قسم بالقرءان المنزل
لو نعرى ونجوع ونقتل
لن ننسى حسيناه ... لن ننسى حسيناه
***
علينه شما جرت اهل الضغينه ابجور
نضل نتحده غيهم لو سنين ايفور
حگهم مادرو بينه نحب عاشور
ولجل حسين ابو اليمه نضحي نحور
وبغير حسين لا نقبل
***
قسم بسم الاه الواحد المعبود
بالمحشر قسمنه شاهد ومشهود
بطريق العتره نمشي ماتصدنه احدود
وعلى حبهم خدم نبقى ونصير جنود
قسم في التاريخ تسجل
***
شكثر جور وحقد شفنه وضلم يسعه
من اتباع السقيفه وزمرة البدعه
كل ضنهم تموت وتنطفي الشمعه
ويموت حسين اسمه وتنشف الدمعه
دمع رغم الجور ترجل
***
أقارن بالوضع بيش أرد أقارن بيش
ونفس جيش السقيفه إل أميه بجيش
على سفك الدماء بكل زمان تعيش
وليش اعتب عليهم يازماني ليش
وجه اسود لا يتبدل
***
دفين الغي أساسه بدمهم أشواقه
على الهادي بده وقرءان وأخلاقه
وعلى كرسي ألخلافه وعلت أفاقه
من ذاك الزمان اندكت أبواقه
أبواق في الدرك الأسفل
***
بضمير العاشك حسين أنكتب اسمك
وبعيون الموالي والمحب رسمك
لان أنت ألفديته بروحك ودمك
تضل للموت كلهه شيعتك يمك
تعطيك ولاء لا يهمل
***
هاني حماده البلداوي
9/ ذي الحجه \ 1436

[فقار الكرخي]

احسنت
جعلها الله في ميزان حسناتك
قلمك جدا راقي
لاتحرمنا هذا الابداع

مودتي

[انثى مخمليةة]

احسنت

عاشت ايدك