هههه نورت وردةالمشاركة الأصلية كتبت بواسطة رئاب
من عاداتي الغريبه وأني نايم اگوم وامارس بعض النشاطات اليوميه مثلاً اروح للمطبخ وآكل واشرب واهدر جاي وأني نايم مادري بروحي ومرات اطلع بره البيت وأروح اشتري حاجات وارجع ، وهاي الحاله قديمه عندي من ايّام الطفوله بس تقريبا بلفتره الاخيرة خفت بشكل كبير
فد يوم جانت خالتي هي وبنتهه خطار عدنه جاين من المحموديه للطبيب ابغداد وعلى أساس يباتون وثاني يوم العصر يروحون للطبيب / بنت خالتي جانت حلوه ومرتبه وطالبه بلجامعة وحبابة ومتواضعه وأني خليت عيني عليهه وفكرت احاجي ماما تخطبهه اليه / وبنفس اليوم چانت اكو حفله مال حنة بلمنطقه وأني بصراحه اكثر واحد ركص بلحنه ذبيت لحم بحيث رجعت تعبان وبس اريد انام / فأمي وخالتي وبنتهه نايمات بلغرفه وأني نمت بلصالة / وتقريبا صارت الساعة ب ٣ الفجر كعدت مادري بروحي وشغلت الموبايل باعلى صوته وظليت اركص بلصاله وادبج وأغني ويه الموبايل وأني مادري بروحي / وكعدت خالتي هي وبتهه ع الصوت مفزوعين وخايفين وشافوني بلصاله اركص وأغني واهوس وأني لابس فانيله وبرمودا وخابص الجو
ماطول عليكم السالفة صارت الساعة بالأربعة خالتي كالت هسه نروح لان عدنه شغل بلبيت وعافو الطبيب والمراجعه وبعد مشتفهم من ذاك اليوم لليوم ، ويكولون خالتي كلما يجيبون اسمي كدامهه تقره سورة ياسين وتتعوذ من الشيطان
وأسف لان طولتهه عليكم
رد مع اقتباس
بانتظار خوارق جديدة