حارمني فگدك نومة العين
هيمه وگطع بيه الحزن فاي
وشويه صبري وفگدك اهواي
طفين بيه وشوفتك ماي
مر بيه مثل النفس بالناي
وطلع الحسره الكبرت وياي
الما يلگه آخ اتجيس ونته
مثل النده امنيطيح سكته
وبكبر حزنه تصير علته
خايب گضه اشچم ليل وانته
لا واعدتني ولا حلم جاي
من ريتي اطلّع نفس واطيك
خاف البگبرك ما يكفيك
دافي وگلت للنشدوا اعليك
حرورة الگاع امن الدفو البيك
خيمه وتفيض اكتارك افياي
ليلك طويل وجاسني الشوگ
وحزنك شلع گلبي امن العروگ
لاموني ونّك شيّب النوگ
غير النخل سالفته العثوگ
وانتَ امنتيهن شوفتك راي
لو مو سمه ماردتك اتطير
ونسَة الشجره اعله العصافير
موتني فگدك.. عود ماصير
اشما حمّلت ماي النواعير
الميّت امتانه اتعيشه بالجاي
مات النهر گل للبساتين
واتلايمن عالماي جرفين
الماهوه ترجع تارسه الوين
حارمني فگدك نومة العين
ومكسور من اجفاك مگفاي
علي عماد
رد مع اقتباس
