هنا

[نائيةٌ .. جدًا !]

الموازي بعده ما مفتوح
والتقديم ايضا استمارة الكترونية لكن ١٠ كليات فقط

تسلمين حياتي

..

[NO OR]

جرعة_فيزياء❗↘
#نظرة_ عامة_عن الكتاب↘
عدد فصول الكتاب؟
الاحيائي ٨ - التطبيقي ١٠
ماذا يتضمن كل فصل؟
الفصل الاول↩المتسعة
الفصل الثاني↩الحث الكهرومغناطيسي
الفصل الثالث ↩التيار المتناوب
الفصل الرابع ↩البصريات الفيزيائية (احيائي)
الموجات الكهرومغناطيسية(تطبيقي)
الفصل الخامس ↩الفيزياء الحديثة(احيائي)
البصريات الفيزيائية (تطبيقي)
الفصل السادس ↩ الكترونيات الحالة الصلبة(احيائي)
الفيزياء الحديثه (تطبيقي)
الفصل السابع ↩ الاطياف الذرية والليزر (احيائي)
الكترونيات الحالة الصلبة (تطبيقي)
الفصل الثامن ↩ الفيزياء النووية (احيائي)
الاطياف الذريةة والليزر (تطبيقي)
الفصل التاسع ↩ النظرية النسبية(تطبيقي )
الفصل العاشر ↩الفيزياء النووية (تطبيقي)

#المصادر_التي _نحتاجها _في دراستنا_للمنهج❗↘
1-الكتاب
2-ملزمة حسن عبد الكاظم الربيعي
او ملزمة عصام الشمري
او ملزمة نور الدين الراوي
3-ملزمه الوزاريات من مركز الفحص

#كيفية_دراسة_المنهج :-
اول شي لازم تخلي ببالك انو الشرحيات مرتبطة بالمسائل يعني ميصير تقرأ الحفظ لحاله و المسائل والقوانين لحالهم
بالنسبة للشرحيات ف الفيزياء مو ادب ولا اسلاميه حتى تدرخها درخ تجي كل صفحه تسويها ع شكل اسئلة واجوبة بالاستعانة بالملزمة وتبدي تحفظ بعد ما تفهم اما اذا مافهمت ف اليوتيوب موجود و الاساتذه الي ذكرتهم بالملازم كلهم منزلين محاضراتهم وكامل المنهج بالاضافه الى الاستاذ (حيدر جبار طاهر) هذا بالشرحيات كلش توب يعني اكو اشياء عجزت عن فهمها هو وضحها اليه ..نجي للمسائل شغلتها بسيطه مراح تواجه صعوبة بيها مثل الكيمياء ..كل الي عليك تحفظ القوانين واتفقنا انك تربط المسائل بالاشياء الحفظيه الي فهمتها حتى مرح تحتاج مدرس واذا احتاجيت اتفقنا المن تلجأ ابد لتهمل الماده بحجة فاهمها كل فتره راجع القوانين و حل كم مثال تكدر تستغل اليومي وامتحانات الشهري ونص السنة علمود هالشي لحد م يجي الوزاري ح تلكه نفسك حافظ حتى الارقام الى جانب فهمك العميق للمادة^^

#تقسيم_الدرجه_بالامتحان❗↘
احيائي



تطبيقي




#اخطائنا❗↘
الخطأ الي ممكن يرتكبه أي طالب و بأي مادة عموما هو مراكمة المادة صدكني هالشي ح يخليك تكرهها وين من تقرا ورقتين باليوم و وين من تقرا فصل كامل ...انا وحده من الناس اهملتها لحد ما تأجلت للدور الثاني وعانيت وياها كلش ^^ خصوصا الافصل الاخيره حفظهم مزعج حيل لذا المطلوب منك متهمل اليومي ابد و ركز ع اول ٣ افصل بشكل تام خلص ضمنت ٥٠ للي يدور نجاح اما الافصل البقيه ف لتوكع بخطأ الطلاب الي يقرون فقط وزاريات واسئلة فصل لأن السنه جان كلش واضح انو الوزارة غيرت مسارها وبدت تجيب اسئلة ممطروقة بالوزاري لذا خلي ببالك انو المنهج كاملا مطلوب منك والأسلم لتحقيق هالشي هو تجزئة المادة بالتحضير اليومي حتى ما تضجر ولا تحس بثقلها
بالتوفيق
^^

[عضويه 293]

الله الله ع الادمونه الجديده وع هالترتيب
عشتي حبي نوره

[تـمــيــڒ]

#جرعه_قواعد❗↘
#نظره_عامه_عن_الكتاب↘
عدد مواضيع الكتاب
7مواضيع

ماهي هذه المواضيع؟
الاستفهام
النفي
الاستثناء
التقديم والتأخير
التوكيد
المدح والذم
التعجب

#الملازم_التي_نحتاجها_بدراس تنا_للمنهج❗↘
1_ملزمه استاذ عقيل الزبيدي أو ملزمه الست ريزان الجاف
2_ملزمه الوزاريات
3_ملزمه الالفيه للاستاذ عقيل

#كيفيه_دراسه _المنهج❗↘
اول شي نقسم الموضوع مثلا انواع الاستفهام حقيقي ومجازي ونقسم كل نوع الى انواع اخرى مثلا الحقيقي يقسم الى قسمين تصديق وتصور واخذ كل نوع وافصله من حيث الادوات وفرقه عن النوع الاخر واعراباته

ورا ماخلصت موضوع بكامله اسوي على شكل مخططات ملونه واحتفظ بيها بملف

بعدين ناخذ ملزمه الوزاريات وناخذ مجموعه اسئله مثلا 20سؤال ونكتبهم بورقه ونحلهم وحدنا وهكذا لما نخلص الاسئله كلها.
اكيد احنه مو سيبويه حتى نحلهم كلهم صح لذلك راح نكتب الاسئله الي خطئنا بيها بورقه وناخذ حلها النموذجي من الملزمه ونضيفها للملف وكذلك بالنسبه للالفيه
​
#تقسيم _الدرجه_بالوزاري❗↘
الاستفهام(8درجات)
النفي(11درجه)
الاستثناء(8درجات)
التقديم والتأخير(5درجات)
التوكيد(9درجات)
المدح والذم(3درجات)
التعجب(3درجات)

#اخطائنا ❗↘
اكثر خطأ يوكع بي الطلاب هو انه يحفظ القواعد حفظ بدون فهم وبالتالي يضيع عليه الاول والتالي
الخطأ الثاني هو انه يحل الوزاريات بنفس الملزمه او يحلها وهو فاتح الملزمه وبالتالي كلشي مايستفاد من نمط الوزاري
لذلك اتبعوا الخطوات الي ذكرتها سابقاً

#ڛــينـِِـِـآ ✿

معليش سؤال شنو ملزمه الالفية اول مرة اسمع بيها؟!

[❀aşk çiçeği❀]

معليش سؤال شنو ملزمه الالفية اول مرة اسمع بيها؟!

معليش سؤال شنو ملزمه الالفية اول مرة اسمع بيها؟!

هلاو عمري هاي ملزمة بيها اسئلة وزارية من 80 او90 الى 2019 بجميع الادوار طبعا بالأضافة الى الأثرائي وكلش حلوة وتساعدج تضبطين المادة طبعا خاصة بالقواعد واكو خاصه بالادب

[تـمــيــڒ]

هلاو عمري هاي ملزمة بيها اسئلة وزارية من 80 او90 الى 2019 بجميع الادوار طبعا بالأضافة الى الأثرائي وكلش حلوة وتساعدج تضبطين المادة طبعا خاصة بالقواعد واكو خاصه بالادب

شكرا عيوني انتي
طيب عادي اعرف اعضاء الرابطة الي السنة وياي

[❀aşk çiçeği❀]

شكرا عيوني انتي
طيب عادي اعرف اعضاء الرابطة الي السنة وياي

تدللين اني وسينا والبقي ماعرف

[سلفر]

شكد قديمين توكم بالسادس

[❀aşk çiçeği❀]

لاتغيرون مصدركم بالمراجعة وتكعدون تقرون بمراجعة مركزة والله هاي مال فلان زينة ومشهور وشاملة ومدري شنو والنبي اطيح الحظ وتضيع الاول والتالي شلون مصار بيه ياهو الي جان يدزلي مراجعة مركزة ويمدحلي بيها اكعد اقراها لمن صدك طاح حظي العبرة لاتغير مصدرك حتلو قبل ساعة من امتحانك وتراجع بملزمة صديقك اعتمد ع الي انت دارسه بالمراجعة واصلا لاتراجع انصح تصير ايجابي قبل الامتحان بساعات احسن من المراجعة والتوتر وكل شوي تكتشف شغلة اول مرة تسمعها من الطلاب كلش الدمر هاي السوالف وكلهن اكلتهن يعني جاي احجي عن تجربة

[❀aşk çiçeği❀]

شكد مكومة ملازم مال عربي بس علمود اضبطه وغير اكتب ويه المدرس وخابصة نفسي
بس ماحسيت وحده بيهن فادتني او وكعت ع عَلتي
غير هاي الملزمة "المساعد في اتقان القواعد
للأستاذ بشير محمود ولي الجولاني :عبارة عن جزئين شاملة حتى للوزاريات يعني تغني عن الملازم الوزارية هم حال بيها تمارين الكتاب