عتاب الكافل بو الفضل وزينب
جا وينك يخويه مو قلت بحماك
ليش الوحدي تتركني وتخليني
قوم انظر يتامى بلا كفل يهواي
نسوْا طعم الأمان وبعدك اشبيني
مصايبنا اشكثره الهدّت الاكوان
على الهزّل سبايا ودمعي يجويني
يعبّاس القمر آني البتوله اشبيك
نايم ع الثّرى وشمّاته تسبيني
وعودك ماأظن تخلفه يابو الجود
لأن وعدك لفاطم تبقى حاميني
يشتموني واناديك ابحزن ونخاك
يبو فاضل دخيلك لازم اتجيني
وصل صوت البتولة الكافل امن ابعيد
ورد إله القمر سمعيني سمعيني
موبيدي يخيّه الفرقة مو بيدي
جفوفي اعلى النهر مقطوعة عذريني
بعد راسي انفضخ واتقطّعِت اوصال
ولا انسى السهم النابت ابعيني
بس يومي انكتب ياحورة ماأبقى
ملج الموت اجاني وخلصت سنيني
راسي اعلى الرمح والجثة فوق القاع
فلا اقدر اجيلج لا تبجّيني
يابضعة علي كافي العتاب ارجوج
قطعتيني ابأنينج لا تناديني
لو بيدي الأمر ارجع وصدّ الموت
وكون استار إلج ياخيّه تدريني
كتاباتي رايكم حبايبي يهمني
رد مع اقتباس
المشاركة الأصلية كتبت بواسطة انثى مخمليةة
