هنا

[فقار الكرخي]

رسالة الى عزرائيل

صواني الحنة مليانة
سدر ... كافور ... مو حنة
ادية گصار أريد مراد
بلكي لموتي أتعنة
فوگ الگاع ما أملك
شبر چا ليش
حضن الكاع هم يستكثر يلمني
ميت من قبل جيلين
حتى الناس كامت تشمأز مني
عندي جدام ماتمشي
وعندي عيون
بس ماشوف بعيوني
هذاك الميت العايش يسموني
مثل يونس بلعني الحوت
أكلني ورد بلع صوتة
وهم شايف گبل مثلي؟!
عايش واستلذ بسوالف الموتى

أگلب بالصور ودموعي نار تسيل
مدري شگد بجيت وفاض نهر النيل
رفعت ايدي ونخيت بحرگة عزرائيل
أنة مثل اليتيمة الما لگت حضها
وأنة جمرة حزن محد رضة يگضها
شتگلفك يا ملاك الله
اذا هالروح تقبضها؟!
هِمس بذني وضحكت آنة
وشفت جفوفي بردانة
أشبگت صورة ابوي وشاورت ذانة
أبشرك بوية ماضل شي واجي لعندك
المسافة التفصل جفوفي يحضننك
فقط بس غمضة عيوني
وخشب يستاهل متوني







سيف العبادي

[اسرار الكون]

حلو هواي فقار ~
مشكور '

[حہيہدر الہبغہداديہ]

دام لنا عطائكم المميز والجميل

[ملكةه]

حلو عاشت ايدك

[سمراء من قوم عيسى]

أگلب بالصور ودموعي نار تسيل
مدري شگد بجيت وفاض نهر النيل
رفعت ايدي ونخيت بحرگة عزرائيل
أنة مثل اليتيمة الما لگت حضها
وأنة جمرة حزن محد رضة يگضها
شتگلفك يا ملاك الله
اذا هالروح تقبضها؟!


الله الله