قصتي...ضحية الحب الجزء السابع والاخير
حبايب راح ننهي قصة مريم اتمنى عجبتكم....
ما اطول عليكم ظليت يومين محاربة الكل ....
مرة جنت نايمه حسيت علي اجى اني سويت نفسي نايمه مالي واهس لكلشي ....
علي/مريم ادري بيج كاعدة بس احاجيج ورجعي نامي..
اني كمت وظليت ابجي كتله هااا
علي/ كافي لا تبجين...
سكتت كتله شتريد..
علي/شوفي انسي كلشي وابدي من جديد وجدي غلط بعد وهسة ما بيدنا شي هاهية واهلج كعدوا بالعمارة يمج بعد ليش تصعبين الامور واني خطبتج من عمي.. بعد شكو هالدموع ...يلا كافي تبجين ....
اني خجلت كتله كول والله هيج صار...
علي بابتسامة /والله وداعت عيونج ....
اني ضحكت ودنكت ....
ركضت لغرفة عمي...كعدت يم عمي كتله اني اريد اصالح اهلي بس ما اروح وياهم اريد ابقى هنا يم البنات وكل فترة اروحلهم اشوفهم ....
هم وافقوا بس ظلوا مصدومين من التغير مالتي واني اساسا مصدومة من نفسي شلون حياتي هيج تغيرت وصرت شخص ثاني....
بعد فترة اهلي تصالحوا وية جدي واني حبيتهم لان طيبين وصاروا يهتمون بيه والولد الشفته يم بابا ذاك اليوم يم الشط طلع اخوية وكلش حباب حبيته...وحاولوا اهلي بكل وسيلة يعوضون الفات بس ميتعوض...
المهم اجى يوم جمعه كل البيوت تجتمع عد بيت جدي اني جنت بالمطبخ وية البنات علي دخل للبيت اشرلي اطلع وراه اني طلعت من المطبخ كال روحي لغرفة جدي ما بيها احد وانتظريني ....
اني صعدت وظليت كاعدة منتظرة ....
اجى علي ...اتفاهمنا على امور العرس والزواج وكال احجي وية جدي عود
بهاي الاثناء جاي نحجي ودخلت رنا علينا كالت علي جدو يريدك وعيونها نار من الغيرة ....علي طلع وهي كلتلي ولج انتي متستحين وغمتني وطلعت....
مريم/خاب هاي شمالها صخوونة اي والله....
رجعت للمطبخ وية البنات كملنا شغلنا ....
خلص شهر وانخطبت لعلي بيوم الخطوبة رنا دزت اخوها الزغير على علي كله رنا تريدك بشي مهم هو راح شافها لامه الحبوب وتريد تشربهن تنتحر لان عافها وخطبني هو كل لامها وامها شلون كتلتها كتله اوووف بردت قلبي وطبعا انخطبنا غصبن عليها....
بيوم الحنة رحت عد اهلي لان خطية يريدون يفرحون بيه ما مانعت عادي واحلى حنة صارت ...
طبعا شرطت على علي اريد افتر الدنيا كلها بيوم العرس....
وصدك فررني العمارة كلها...رجعنا للبيت ودك وركص المهم خلص العرس وكان احلى ما يكون....
وبعدين عشت وياه احلى ايام بس طلع روحي شعرج طالع وما ادري شنو هواي يغار ويزعل... من الحب طبعا...
جنت اتمنى احجيلكم عن فاطمة ومرتضى شلون حبو بعض بس قصتهم طويلة اطول من قصتي ....
جانوا دائما يتعاركون وما متصافين ابد لحد ما فد يوم اندعم مرتضى ظلت فاطمة تبجي بجي ما صاير وملخت نفسها ومن تشافى مرتضى اخته كلتله على فاطمة وعرف تحبه فهو هم حبها ولحد الان وعن قريب يتقدملها ....
حاليا عندي ثلاث بنات وحياتي احلى حياة وية علي بس بقت المشاكل بسبب غيرته عليه هههه
جنت اتمنى احجيلكم اكثر عن حياتي وشكرا لكل واحد قرأ قصتي واشكر كاتبتنا زنبقة على نشر قصتي....ومع السلامة...
وطبعا اني هم اشكرها على تعاونها وياي على النشر وعلى قصتها الحلوة واشكر صديقتي الي سولفتلي القصة ...تحياتي الهن
اتمنى عجبتكم القصة حبايبي انتظروني بقصص جديدة
دمتم بخير
زنبقة الغرام ❤
رد مع اقتباس
المشاركة الأصلية كتبت بواسطة انثى مخمليةة
