قصتي...ضحية الحب الجزء الخامس
ظليت افكر اريد علي يحبني لان احبه من يهتم بيه بس مرات هو يسوي اشياء تخليني اكرهة واني دافكر سمعت صوت واحد موجود التفت شفت علي ....
علي/شعندج هنا بنص الليل ...
مريم/ما عندي والله بس ضايجة كلت اطلع شوية ....
علي/والي يشوفج شيكول....
مريم/كلها نايمه واني منعسانه شسوي ...
شفته راح اتمشى جاب كارتونه شكها وخلاها بالكاع كلي كعدي ....
اني كعدت وهو كعد كبالي ...
...طبعا احنا عدنا ضوة اصفر بالحديقة يطلع الوجه شلون واحد بي ابو صفار....
علي/ لعد خلي نسولف كلشي هم عن قرب شكلتي...
مريم/شلون يعني...
علي/يعني اي شي محد يعرفه عنج او اي شي ابالج...
مريم/اممم خل اسالك احسن...
علي/يلا خوش سألي ...
مريم/ليش متحب رنا....
شفته جر نفس عالي/وهذا يهمج الشي احبها لولا ...
اني كمت امتمت /ها لا بس هيج مو كلت نسولف....
علي/شوفي رنا خفيفة واني اكره البنية الخفيفة واني احب غير وحدة....
اني حسيت نفسي اختنكت اتمنيت اشرد واكعد وحدي وابجي يمكن حبيته ....كتله واني مغمضة عيوني...
مريم /التحبها تحبك....
هو ضحك وكال اسألج وبعدين اجاوب ....
اني هزيت راسي يعني اي لان ما عندي طاقة احجي....
علي/ليش رفضتي مرتضى...
مريم/احسبه مثل اخوية...باوعت عليه كتله كمل حجيك يلا....
علي/اممم ما اعرف تحبني او لا بس يمكن لا...
مريم/وشناقصك حتى متحبك...
علي/صدك هذا حجيج...
مريم/اي لان كل بنات عمك يحبنك ويريدونك الهن يتزوجونك...
علي/وانتي وحدة منهن ....
مريم/اني ما ابالي اي رجال....
علي/اممم خوش بعد احسن...
مريم/ليش عود دائما ترزلني وتحسسني اني بنتك حتى من اطلع...
علي/تريدين تعرفين ليش....
مريم/اي...
علي/من انتي وزغيرة واني اضوج واحد يلعب وياج اضوج احد يصيحلج باسمج احسج جزء مني من يصيحون مريم يعني يصيحون علي احبج واغار عليج من كلشي حتى من عمي ومن جدي احسج بنتي الي ...
من حجة علي اني صخنت كمت ركضت لغرفة البنات دخلت هو ظل كاعد بمكانه ....معقولة علي يحبني واني جنت عبالي يسوي وياي هيج لان يكرهني ظليت افكر بكلامه وعقلي مكلوب...
ظليت افكر شلون الصبح اذا اشوفه استحي يمه اخاف ظليت اتذكر شلون جان يرزلني من احجي وية ولد عمي واتخيلت نتزوج ونعيش سوة واني مستمرة بالتفكير غفيت ......
كعدت الصبح كلي نشاط بس عبالك كلها تدري البارحة اني شسويت هههه كعدنه نتريك كلنا وكملنا بس علي ماكو يمكن بالشغل كلت الحمد لله لان استحي اشوفه على الحجي مال البارحة لحد الان ما مصدكه الي سمعته احسه حلم....
مر اليوم عادي ما صار شي بس بالنسبة الي مر مثل الحلم ما بطلت افكر بعلي اشتغل وافكر بي....
ورة الغدة كعدنا نسولف شفت عمي بيدة موبايله اني كمت بره وبدون ما ادري شفت موبايل عمي وبي صوري ودزهن لاحد اني قرائتي ضعيفة لان خامس ابتدائي وبطلت ....ظليت مستغربة بس غلست كلت يجوز اني ما اعرف بالموبايل وجاي يشوف الصور.....
قراءة ممتعة حبايبي اتمنى عجبتكم
دمتم بخير
زنبقة الغرام ❤
رد مع اقتباس
المشاركة الأصلية كتبت بواسطة انثى مخمليةة
