قصتي...ضحية الحب الجزء الثالث
قراءة ممتعة...
اجى علي كل لامه يمه صبيلي غدة ميت من الجوع ...
اي يمه صار هسة ....
اني كمت كلت اروح يم بيبي سمعت صوت عمي يمها ويسولفون ....يكلها هسة شبي ابوي يريد يظلم البنية مثل ما اخذها من ابوها وهي عمرها شهرين ...
اني ظليت صافنه منو هي هاي الاخذها جدي من ابوها وهي عمرها شهرين ....
يكلها ابوي عباله مثل قبل بس هسة لا الشباب تغيرت لازم كل واحد يختار الي يريده مو حرام عليكم اخذتوا مريم .....
طبعا اني كلشي ما مفتهمة اجاني علي من ورة ...
مو عيب تصنطين على غيرج ...
كتله علي منو الاخذها جدو وهي عمرها شهرين ...
علي كام ينطي وجها الوان وارتبك ...
هااا واني شمدريني يلا روحي منا لا ابتلي بيج ...
كتله علي انت تعرف شي عن اهلي ....
مريم سدي الموضوع كم مرة كنالج اهلج ماتوا افتهمتي ....
اوك يلا بس ان شاء الله اعرف اني مو صغيرة عمري 19 ولحد الان ما اعرف عن اهلي ولا حتى صورة ولا قبر الهم لعد وين راحو ...
بهاي الاثناء طلع عمي كلي مريومة انتي راح تطلعين وياي وتصيرين مثل بناتي بعد ومحد يجبرج على شي مدام اني موجود ....
اني كلش فرحت وشبكته حيل ...كلي يلا روحي لمي ملابسج وبدلي واني منتظرج حتى نطلع ....
رحت ركضت بسرعة لغرفتي باوعت على علي لكيته صاير نار وعصبي ....
اني رحت للغرفة هو دخل وراي وسد الباب اني كتله ها شتريد كال شوفي عيوني راح تظل وراج وما اعوفج تصرفين بكيفج ما تطلعين الا تكليلي وطلعة للشط ماكو فاهمة لو افهمج ....
كتله وانت شعليك هو لزمني من ايدي حيل وكال لا تعلين صوتج بعد عليه لو هسة ادفنج هنا .....
اني توجعت من لزمته صحت اخخخ اي عوفني عاد شتريد مني روح لرنا شعليك بيه ...
كال ها هيج صارت مو بسيطة اني الج روحي وحسابج بعدين ....
رحت وية عمو خالد اني احب اروح وياه لان عدهم بستان كلش حلو و يمه شط احب اروحله وهو ما مانعني من شي مخليني بكيفي ....
المهم وصلنا اتلكني البنات باوسني وزينب حبيبتي كلش مقربة الي ...
ورة شوية اخت علي خابرت كالت جدو كالب الدنيا شلون مريم طلعت وية عمها خالد وكال لعمي مدام طلعت بعد ممنوع ترجع لبيتي اكسر رجليها واني متبري منها بعد هي بمسؤوليتك .....
وعلي هم رفض يتزوج رنا ورنا ظلت تبجي وتعيط وامها تكول كله من ورة مريم هي السبب ....
اني ظليت فترة عد بيت عمي وجدو مستمر يومية مسوي مشكلة ويكل لعلي ليش ما تزوج رنا خطية يتيمة ....ويجاوبه جدو شنو هالتدخل بحياتنه اني احبك واحترمك ورنا على راسي بس ما مفكر بيها كزوجة....
مرة كعدنا اني والبنات اتفقنا نطلع للشط نلعب...
طلعنا كلنا ورحنا نلعب ونضحك ونجفص بالمي...احنا هناك منطقة ريفية يعني عادي نطلع بهدوم ضيقة او بلا حجاب باعتبار كلهم اخوانا ....
التفت لكيت واحد يباوع عليه من بعيد يشبه ولد عمي واجاه واحد يطلع عمره بالاربعين كله شعندك هنا وظلوا يباعون عليه كأنه عدهم حجي وياي وراحوا...
اني حسيت على روحي صافنه وارجع وراي للبنات سمعت صوت علي يعيط وراي مريم ...وعيونه طاكات من العصبية ويعيط ....شعندج هنا ومنو حاجاج هذا وليش طالعة ...وهو لازمني من ايدي و يجرجر بيه للبيت ....
اني كتله علي عوفني شبيك اني شسويت فضحتنه....
لا ما مسوية شي بس طالعة للشط وتسبحين وهاهية ....
و يحجي و ايد لازمني وايد يشمر بيها وعيونه طاكات عصبية نار وبس يخزرني ويرزلني...
يابة والله اذا قربتي الشط بعد الا اكسر رجليج وبعد مطلعين الا تلبسين عباية .....
انتهى البارت اتمنى عجبكم ...
دمتم بخير حبايبي
زنبقة الغرام
رد مع اقتباس
المشاركة الأصلية كتبت بواسطة انثى مخمليةة
