قصتي..ضحية الحب الجزء الثاني
بعد ما عرفنا شي بسيط عن مريم وشنو وضعها واخيرا جدها راد يجتمع بيهم بموضوع...
يلا اعوفكم وية مريومة .....
اجيت انطيتهم الجاي وكعدنا نستمع لجدي
كال الاسبوع الجاي نعقد لعلي ورنا ومريم ومرتضى كافي صار هواي البنات وكبرن بعد شكو.....
اني استجمعت قواي وكمت بوجه جدي كتله جدي من رخصتك اني ما اتزوج مرتضى مرتضى مثل اخوي وهو هم يحسبني هيج ....جدي كال شنو تكسرين كلمتي ....كتله اي لان مو من حقك تزوجنا بكيفك خلي كل واحد يختار شريك حياته ....
ما احس الا راشدي وكعني بالكاع المجلس صار ضجة نص وياي ونص ضدي علي تعصب واشتعل نار ركع الباب حيل وطلع ....جدي كال هذا اخر قرار الاسبوع الجاي ينعقد زواجكم برضاكم او غصبن عليكم ....
بيبي كومتني اني من يومها كرهت جدي كلش صعدت لغرفتي شبعت بجي لحكتني رنا ....
شبيج انتي خربتي فرحتنا شبي مرتضى ما موافقة عليه كتلها مرتضى اخوية مو مثلج تركضين ورة علي وهو ميريدج عيب عليج امشي ولي منا يلا .....
اي هم صدك شعندي مدوخة روحي وية وحدة مثلج اروح احظر فستان خطوبتي وتحجي وتتموع ...يلا جاووو
اني طكيت من البجي ما حسيت بس روحي نايمه وكعدت الصبح لكيت روحي على الجرباية ومتغطية مع العلم اني ما نايمه على جرباية على العموم ما اهتميت كمت غسلت وجهي وعيوني مورمة من البجي مال البارحة ....رحت لبست برمودة وفوكاه روب لان عدنا شتى باردة وطلعت اتمشى بالحديقة ....
فجأة انوب اجى علي بسيارته اني خفت كلت هسة يرزلني لان بلا حجاب ....ختلت ورة الشجرة هو عرف اكو احد موجود كال منو هنا كتله اني ممممرييييم ....احجي واني ارجف لا يشوفني ....كال شعندج هنا؟.....كلي طلعي يلا كتله مو بلا حجاب كال طلعي كتله مااا ....
كال اطلعين لو اطلعج بطريقتي ...طلعت مدنكة راسي وكتله والله اول مرة انسى الحجاب ....
كال يلا صعدي نامي وبعد لا تنسين....
ظليت افكر بشغلة وحدي وهي شلون اخلص من جدوو حتى ابقى حرة ....
رحت سبحت ونمت كعدت الصبح مشطت وسويت شعري ظفيرة صبحت على عمتي وعمي وبناتهم وجدو بس بيبي ماكو كتلها لعمتي لعد بيبي وين ...
كلتلها ما تريد تتريك ....
اني اخذت الريوك وطبيت عليها ....صباح الخير حجية شو مو على بعضج اليوم خيرج ...
لا حبيبتي ما بيه شي ....كتلها بيبي والله اعتذر بس ما اريدة شسوي ....
حبيبتي معذورة ....انوب كامت تبجي ....شبكتها وبستها ....بيبي لا تزعلين مني ....حبيبتي عليمن ازعل منج انتي مظلومة وكوة سكتت واكلت
وانطيتها علاج ونامت لان مريضة ...
رحت وية عمتي نظفنا البيت وسوينه غده لان علي راح يجي من الشركة .....
اتمنى عجبكم حبايبي
دمتم بخير
زنبقة الغرام ❤
رد مع اقتباس
المشاركة الأصلية كتبت بواسطة أغرد بهمس
