قصتي..ضحية الحب الجزء الاول
اليوم قصتنا قصة حقيقية ايضا عن ابنية اسمها مريم عمرها تسعة عشر سنه من العمارة طبعا اني راح اخليها هي تسولفلكم قصتها فسمعوها واتمنى تعجبكم .....
هلووو اني مريم عمري 19 من العمارة طبعا مواصفاتي شعري طويل وعيوني صفر وبيضة وضعيفة اني ساكنه وية بيت جدي لان بيبيتي تكول امج وابوج ميتين واني ما اعرف عنهم اي شي ....
طبعا عمامي سبعة بس واحد مستشهد وكلهم مزوجين وعدهم جهال وجهالهم كبار بالاعمار هواي وعماتي تلاثة مزوجات .....
من ضمن البنات يعني بنات عمي اكو وحدة اسمها رنا كلش تكرهني وحتى دائما تسويلي مشاكل وعلى اساس جدي مقرر انه رنا لابن عمي الجبير علي وهو ميحبها بس هي تحبه واني على اساس لمرتضى هم واحد منهم بس اني احبه مثل اخوية ما افكر بي غير شي وهو هم .....
طبعا جدي رجال معروف بالمنطقة بالحكمة مالته والمنطق اي واحد تواجها مشكلة يجي عليه ويحلها اله ويروح ....
جدي كلش يحب رنا لان بنت ابنه الشهيد لذلك معتز بيها وما يزعلها حتى لو غلطانه ....
احنا كل خميس نسوي ثواب لعمي و تجتمع كل العوائل هم وجهالهم لان هم عمامي نصهم طالعين فيوم الخميس كلهم يلتمون ونسوي ثواب كلش جبير حتى يكفي ....
اني دائما لبسي دشاديش عريضة وشال لان ولد عماميي وياي بس ذاك اليوم لبست دشداشة رصاصية شوية مخصرة وخليت مكياج خفيف وشال وجاي انزل من الدرج شفت علي هو كام يخنزر وركع الباب حيل اني خفت هو على طول يظل يضوج بيه اذا يشوف مني غلط لو اضحك وية ولد عمي عفته ونزلت كعدت يم بيبي ورنا كلساعة تذبلها حجاية .....
اجاني مرتضى كال مريومة تعالي اريدج ابموضوع ....كتله اني كال اي كتله اجيت ....
رحت وياه لغرفته هو كعد كبالي وكال مريم سمعيني فدوة اني احبج صح بس مثل اختي واليوم جدو يريد يعقد بيناتنه ....
بهاي الاثناء دخل علي دفع الباب حيل طبعا علي طويل ومعضل واسمر ....
مرتضى كال تعال علي تعال ساعدنه جنت ادور عليك ....
كله مو تعرف اليوم راح جدو يعقد زواجنا اني ومريم وانت ورنا ....
كله اي اعرف ....
كله بس اني وهي اخوان ما نفكر غير شي ومن كتله لجدي يكلي ورة الزواج ويصير بينكم حب ....
اني سمعت ورحت ركضت لغرفتي طكيت من البجي اتذكرت ليش ما عندي ام واب وبيبي كلما اكلها وين امي وابوي تبجي وتسكت وعمي يظل يعيط عليها لذلك كمت ما احجي ....
مسحت دموعي ونزلت لكيتهم صبوا اكل اني رحت جبت مي شفت علي ياكل واني ما عندي مجال اكعد هو شافني سوة مجال حتى اكعد كعدت واكلت بس كوة اكل ورنا تباوع على علي وتضحك فرحانة لان اليوم خطوبتها....
جدو كال من تكملون اريدكم بالاستقبال بموضوع كلنا حجينة صار .....المهم كملنا وكمت سويت جاي والبنات هم وياي كامن سوون .....
حبايبي الهنا خلي نختم البارت وية مريم والبارت القادم اكمل الكم ....
دمتم بخير حبايب
زنبقة الغرام ❤
رد مع اقتباس
المشاركة الأصلية كتبت بواسطة وآنا
