عن لسان السيده زينب عليها السلام بعد رجعت محمله برزايا ملحمة الشام وكان اثقل تلك الرزيا رؤاساً حملت على الرماح وقفت بين قبري اخوتها فقالت
ـــــــــــــــــــــــــ ـــــــــــــــــــــــــ ــ
انا زينب وجيت اهنا يالخوان
افه محد وكف وتلكه الضعون
جف الموت كضكم موعذر هاذ
نومتـــــــــكم تطول لوتكعدون
انا اعرف غيرة الله براس عباس
وذا عباس اكولن يكلب الكون
مثل شـــدة ورد شدينه الجفوف
حلفلي اوعداني على الدهر عون
بس الموت كال وغيره هيهات
يفـــــــرق بينه وكلهم يشهدون
اجفوفي ورايتي والجربه والسيف
وعباس وكفيلج حامي الضعون
انا اعرف يابو فاضل عذرك اوياك
وعاتــــــب وبعتابك شدتي اتهون
جرح ينده جرح لو طيفك ايفوت
يتامه اجروحي صارو مايسكتون
شلــــت كل الصور وبالي خليت
فقط صورة رجعتك فوك الجفون
وحاجي بروحي يرجع هسه عباس
يرد والـــجود بيده يكحل العيون
يـــرد ويكلي زينب كومي وياي
جبت الماي هذا وخل يشربون
وكل للناس بعده الكفل موجود
وشيلً رايتك كلهم يشوفون
لحظه ورايتك وي بسمتي اتضيع
وفك للدمعه باب اتاكد الظنون
وفزت طير افزبس تدري ياصوت
الحسسني الكمر ماهوه مدفون
موصوتك سمعته اهنا يعباس
سمعت اعداك من كاموا يسبون
بهاي اذكرت جف طايح هناك
وشفت صورت رجعتك تنكلب كون
كون السان عندي يعيني ابهاي
وسولفلك سوالف بيها مضمون
تبدي بطيحتك وبحرك الخيام
وسكت والبقه يكملنه المتون
الهضمني وداعتك موضربة السوط
ولامتني التغير وزرك الون
الهضمني وتعباني وغير الحال
كفيلج وين من كامو يسالون
كل هذا وبقيت وداعتك سيف
ذو الفقار وزيد ماصرت دون
وخت عباس اكلهم مااطخ راس
المثل عباس اخوها ادنك شلون
بقلم الشاعر
فارس العيساوي
رد مع اقتباس
