هنا

[نبــ§ــض* القلـ§ــ§ـووب]

أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيرات ✾ ..

لنخصص هذا الركن لمانحبه من ومضة قفشات شعرية ..أي حديث شئ يتعلق بالشعر الشعبي ..

بأنتظار مشاركاتكم ...





بعد تجاوز العدد السابق للمشاركات المقرره لهُ .
نفتتح الجزء 50
اسمعونا ذائقتكم

بـ انتظار كل ماهو جميل منكم


الاشعار تجدونها في الردود

افتتح بــــــ
براسي طلقة موت بس مرت سلام
لو مدنك جان ما شر جاسه
جندي امريكي رماني واستحيت
خاف عني يكول دنك راسه

[نبــ§ــض* القلـ§ــ§ـووب]

نهر خيري طفح لتكول .. زل ماي
شجاهة وما تردلي الثار .. زلماي
يمشيني على راية شلون .. زلماي
ولا جني ابن حامي الحمية

[نبــ§ــض* القلـ§ــ§ـووب]

يظل حبك ترى بكلبي علي دين
وعهد للموت ما انساك علي دين
ولولا البعد لمشي لك على ايدين
تفداك الروح ياغالي علية

[نبــ§ــض* القلـ§ــ§ـووب]

آنا عيوني طوس وليلهن ناعور
ينترسن دمع والليل يجفيهن
ألك برزخ صور بين الجفن والعين
أصفى من النوايا النشترك بيهن

[نبــ§ــض* القلـ§ــ§ـووب]

صرت شجرة على درب اليحطبون
نهر متروس ماي وكلبة يابس
يلوموني بغيابك صرت ماشوف
بلا الشذرات مو تعمى المحابس

[نبــ§ــض* القلـ§ــ§ـووب]

تعال الخاطر الله ترخص من الموت
واجب مهم عدنا نريدك الليلة
و رمينا بتفكتك مارمت تعرف ليش؟
سمعت بيك ميت غصت أبجيلة

[نبــ§ــض* القلـ§ــ§ـووب]

ها يم الولد نام الولد نام
هاج استلمي جثة وعدّي العظام
مابي كل نقص بس جفة ماخوذ
اخاف يرد عليهم يسحب اقسام!!

[نبــ§ــض* القلـ§ــ§ـووب]

ما تعله بملك طبعك حلو يعليك

الي صاحب نزل من صعدت احواله

مثل عود الشلب ما يعله وشكد ماي

عكس جذع النخل يصعد بلوشاله

[نبــ§ــض* القلـ§ــ§ـووب]

آدم عراقي طلع

واحنة الدفعنة الثمن


من طكلة تفاحة

[فقار الكرخي]

افتتاح موفق