هنا

[نـارڤـين]

المحترگ بـالفرگه
لا تصبوله ماي
صبله ملگه
وسالفه
وموعد قريب.

[نبــ§ــض* القلـ§ــ§ـووب]

رسمتك

والقلم خظّرغصن تين
ولأن لامس خدودك
كطّر ابياض
رسمتك
والكماري الضاوية سنين
يرحن فدوة لك ويرجعن اركاض
تلمك ياقصيدة ويادواوين؟
اذاحسنك
امدوووخ سوك عكاظ
ولأن ماجاب حسنك لسة رسام
شكك لوحتة بيكاسو واغتاض
من لحظ الحلو تتشرد صكور
بس لحظك
وحيدايصيدالالحاظ
يل شفتك عسل من نهر فردوس
علاج وبي مناعة لكل الامراض
ولتكلي من اكضك
ارتجف ليش
جف ابلا عظم كل عمري ماكاض
ساحر كل جمالك عالارض فاض
ومن تمشي وراك تخظر الكاع
بثر جدمك يطك البردي
قدااااح

[نبــ§ــض* القلـ§ــ§ـووب]

ألوليلك چنت وبگلبي أنومك دوم
ومن تبچي إصِبْعي يصير منديلك


عضيت أنته إصبعي أمسح دمعتك بيش
وگليبي كسرته إبيش ألوليلك


أضحكك وأبچي لأجلك وأعطش وأرويك
وأهدم حيلي بيدي لو رگد حيلك

[نبــ§ــض* القلـ§ــ§ـووب]

لا تـــــحــب واحــــد ورا فترة ويمــــــــــــــوت

ابقـــــــى حب ربـــــك ترا بس هو حـــــــــــــــــــي

[نبــ§ــض* القلـ§ــ§ـووب]

امي بلا شعور الساني يرتل بيج
امي وياج اشيلن حملج اتمنه
نبي الله وصه وبالاحاديــــــث
تحت اقدام رجلج صارت الجنه
امي الخير انتي وانتي معنى الخير
ومن دونج ييمه نضيع كلنه
ادعي الله ييمه يحرسج من السوء
ويبارك بعمرج ويحفظج النه

[نبــ§ــض* القلـ§ــ§ـووب]

شبلاهه عيوني تعشكَ دون متشوف
وشجاني تعلقت بلـ،ماأعرفه
غريب أحساسي بيك تولعت ليش؟
شعور بداخلي مابيه اوصفه
الكَلب يهواك عاشكَ حدألخبال
بس عقلي عنيد يكَلي أصرفه
ودخت مابين عقلي وكَلبي محتار
شيقنع الكَلب
والعقل مايصفه

[نبــ§ــض* القلـ§ــ§ـووب]

أحلامي بريئه وجنهن اطفال
على ذراع الخيال شلون تغفه ؟
يااول حبيب اختارته الروح
ويااجمل غرام واحلى صدفه
مو مئلوف حبي ادري اني وياك
بس عندي قناعه وياك أصفه
ولاشغلت صداقه وعرف بلفيس
بس شغلت احساس وروح ترفه
المهم اني عشكَتك وانتهى الموضوع
بيك احساسي بارد رايد أدفه
شمعه انته وحياتي ليل يسبكَ ليل
نورني بحنانك قبل لا أطفه

[نبــ§ــض* القلـ§ــ§ـووب]

حوار ومساجلة بين ام وبنتها
حوار بين ام وبنتها
البنت تريد الزواج من رجل ذو مال
والام تريد زواجها بشكل او باخر بدات الام الحوار

الام:
يمه الاجه ابن جواد موش ابن غربه ... اصله الطبع والخير واصله المحبه

البنت:
اليخطبني لازم كون انه الاريده ... بيت وقصر واموال وسويچه بيده

الام:
بكبرچ واجهت خطاب كلتلهم ارضه ... جابولي خام الشام والحجل فضه

البنت :
يمه زمانچ راح بيه انظلمتي ... وذاك الوكت مرفوض مو مثل وكتي

الام:
عشنه بوفه وبطيب طول اليالي ... لارزه لاكنتور لامهر غالي

البنت:
اعرف بنات هواي عزن نفسهن ... تكلف الف دينار بدلة عرسهن

الام:
شرايچ لون زنكين علحسن حبچ ... وملچ بعد شهرين وعليه ذبچ

البنت:
بنيتچ بعدها اليوم حلوه وزغيره ... مو مشكله من يروح يخطبني غيره

الام:
بس چلمه عندي وياچ ولله الشهاده ... باالوفه وبالاخلاص سر السعاده

البنت:
اخر كلامي وياچ متطوره انه ... والمايجيب المال شلي بحنانه

الام:
روحي الله وياچ ياسلوة العين ... امچ واعرفچ زين باچر تندمين .

[سارهـ الطائي]

فاگدك بس انت بيه ..

[سارهـ الطائي]

اذب روحي وانامن وين ماجان
مو ذاك الگبل يستنگي المخاد