هنا

[فقار الكرخي]

سلامتهم

بعد ماريد منهم شي.
كلهم طيحتي ماطولت بيهه

كلهم مامدنك كمت مثل النار
من تلهب ومحد يعرف شبيهه

رجعت بهيبتي بس اني من جواي
مكسور ودمعتي گوه خافيهه

مثل احساس الاسره الجايه من ابعيد
من ترجع وماتلكه اليتانيهه

رجعت اسئل عللماكالي شمحتاج
ماعاتبته وتخيلته حاجيهه

جنت بره السرب مونقص بلجنحان
بس جنحانهم مامقتنع بيهه

هيه حظوظ والطيب يرد خسران
من ذيج الاحلام الجان بانيهه

اكو مكتوبله يكظي العمر مخنوك
يتعود وتالي طيبه يجفيهه

واني تغيرت مونفسي ذاك الجان
من اتمر اسامي احبابي اغنيهه

حته الصوره تتغير وتبدي اتموت
من تخلي الشريط الاسود عليهه

سلامتهم بعد ماريد احب ونعاف
وجفوف التسلم راح اجويهه

اغمظ عيني واذكر شكد اوجوه
جانت تضحك بوجهي من الاكيهه

سدو بوبهم مادرو بلبيبان
ماتكدر تظم عيوب راعيهه

امر من يمهم وتلجم بس والله
مابينت روحي شبيهه مابيهه

صح مجروحه بس الغيمه من اتفوت
ماتعرف ضحكهه من بواجيهه

سلامتهم بعد ماريد منهم شي
كلهم طيحتي ماطولت بيهه

[فقار الكرخي]

والله ولا جان اعله بالي
مديتلك جفي وسؤالي
حسبالي حالك مثل حالي
انه انسى كلشي وكَلبي خالي
جكليت طشيت ال(هلا ) عليك
واستغربتلك ؟ مو بحالي .

تاليتي ابد مو خوش تالي
خله اليطك صورة لخيالي
ثكلان وجهه وصار غالي
ضميت بالكوة انفعالي
وانه الموزع دمعي عالناس
وبعيون ناسي دموع مالي .

عفتك انصيص هسه عالي
يالهدمت من كَلبي جالي
امس انه جذبت الحجالي
خاين وكلتلهم حلالي
وياريت ما لاكيتك اردود
ملكاك حط المو ابالي

تلاكينه شرجية وشمالي
ملكه التواضع والتعالي
مستاهدك عالروح غالي
زعلان؟ تكره ؟ لو مثالي ؟

ومن كل كَمر حطيتلك لون
ثاري الليالي تضل ليالي

[سمراء من قوم عيسى]

عود اذا مركم حزن ذكروني
واكفة اتاني بدمعها عيوني
واكفه وماهمها نوم ولاسهر
مثل وكفة عاشكة بسد النهر
يابس انه بلا مطركم
وردة ظموني بكتبكم
ومن تفتحون الكتب ذكروني
واكفة اتاني بدمعها عيوني


واكفه اتاني وتباوع عل كمر
مرسال دمعتها وبعد مارد خبر
تريد تمشي لكن يردها الدرب
تسكت....ويرجع يبجيها الكلب
وانه اضيع ويه السهر
ورقة ياخذها النهر
وطيفي دزيته بحلم شوفوني
واكفة اتاني بدمعها عيوني

شلون نتشاوف بعد.....اله بصور
انه وياكم عشك شمس وكمر
وكلبي ساكن بالمحطه
وبيده شايل حزنه جنطه
بارد مشيته الدرب
مثل موسيقه بحرب
وانه اغنية حزن سمعوني
واكفة اتاني بدمعها عيوني

[سمراء من قوم عيسى]

تكتب تعال ..
وتلتفت وحدك
لا تلگه ملگه !!
ولا اكو موعد خطف

مثل المدينه
الخلص بيها الحرب
هيج انته داوي
من الطرف لـ الطرف

شتريد تصبر ؟
وانته فـي بجنط
شما يعله صوتك يندفن بـ الغرف

[نـارڤـين]

‏إنتم الضيعتوا حُبنه
من أديكم ، حيل بيكم

[ৡ⚘أೂـيـر ألـنـ੭ــل⚘ৡ]

يالك من مبدعة يا سمراء

[نـارڤـين]

ديرة تشبه لون گلبي ما لگيت .


.

[نـارڤـين]

اهج يا صوب؟
ياديره التلم روحي وارد انسان

[تشيللو]

دَنگت وتلال من الكيمر طلعن
بيهن شامه
وحضي الوردي

ادنيت وردت الزمهن
مديت ايدي وماع #الزهدي

#فواز_رشم

[نـارڤـين]

غريبه تصير ضدي وانت ودي
انا وما يوم صغرت الامل بيك
ولا لحظة گلتلك هذا حدي