أحب الناذرين كلوبهم للحب
وماغشوا بشر مرة.
أحب الناذرين كلوبهم للحب
وماغشوا بشر مرة.
إردس على گليبي يحمل الردس
وخل گذلتك يمدلل منعثرة
- صاحب الضويري
صلفة امنياتي الرادتك
سألتني عنك بس صمت كلش ولا حاجيتهه
كالتلي وينه وجاوبت
ما ادري ما دليتهه
.
ظلام و غربه و فراگك
و صوت البومه ياخذني طفل بايگ
لمني بـ وينك انه انسان ما ينهدر دم عاشگ
ما تنهدر چلمه انگالت بـ واهس
مثل ما تنهدر هلهوله يم عانس
ولك وينك
زهتلي جروحي بملاگاك
تعب ي يمحاضنك بالطيف
و افز خايب ولك خايب اريد انساك
اريد اضحك ب وجه الناس التحبني
و اريد ادفن نهر ردني
و اريد ارجع طفل و احسب شچم نجمه
و اتيهن بالحساب و اغفه مدري شلون
و ابوس الغبشه بـ امي و عيني تضحك كون
لچن حسنك يعّت بيه ل عذابي وياك
سألتني عله العمر قبلك وگتلك هاك
من چفي لـ گفاك ايتام
و من عيني لحد ليلك شوكت انّام
دورتك هوه وما اجيت
دم مغسول تلگاني بـ زوايا البيت
بسواد عيونك الگمره نجم طايح
بسواد عيوني ادورنك عطر فايح
و اندلك و اجيلك حزن شابع ليش
و انطرك تضحك و اصرخ لـ ربي افيش
يـ مو عندي الندم ماكل خيال الطيف
يـ مو عندي الضحك حسبة برد بالصيف
شحلات شلونـك بحلگ العزيـز
چلمة هيه
وتسوه حتى العافيه
-
ما جابني لهالدرب
غير الحچي الـ ينسمع بعيونك الحلوة
ما ادري حبك قدر لو عشگ لو نزوة
يالـ تسوه ناسي وهلي شخلاك ما تسوه..
مو رخيص وداعتك بس آنه غيرمبسط بروحي لسواد عيونك
تارس عيونك ضوه وماي وخضار
وامطر سنيني بصحاري ضنونك
انه وجه العافية وملگه المضيف
مشرع بوجه اليگلي شلونك
المثلك يصلي الصبح كل ساعة كون
نعمة الله وطاحت بماعونك
.
.
.
-
الچنت حيل اهوآه وبـ روحي أودهَ
اليوم السلام وياي بالگوه ردهَ .
مانسيتك لا وحگ شوكي عليك غافي بعيوني تظل اجمل حلم
وصوت ضحكاتك بعد بيه عايش
وصورتك بالبال تتراوة رسم
وكلمة متانيك بشفافي تبات
وغير اسمك ماعبر بيهه اسم
وانة تعبني البعد يمته تعود
والله رك الحيل وانحل الجسم
وأنـه ريحـة ضوه مهزل عايش أعله الهلبت الله
لا خذتني الفاجده أچمل حزنـها
ولا صرت بزر التراب
وبـاب بـاب ..
أتوسل عيـون المگابر
ماتفك لـ عيوني باب
