هنا

[فقار الكرخي]

منتظرك و واگف بس هدم عالباب ..
واستعجلي بمشيتك كبر الخطوه ..
وانطيني اعله گد عقلي ارد احضنك حيل..
واطلع شكو بروحك ناس ما تسوه ..
اكفر بالعشگ و استغفر من الگاك..
واگولن يله حلوه مرورة الگهوه ..
ترف مثل البلم من انجرح ماعيش ..
وتجرحني واگلهم هذا مو هوه ..
مشط وبشعر ناعم هيج ماشي وياك
وحبيتك بخت بعناد كل شهـوه
وابد ما دورت عزة نفس وياك
انه و كلشي بيه يروحلك فدوه
ماريدك واريدك حرت واحتاريت
العفتني والبقيت اثنينهن بلوه
من اشوفك عمري يخلص يوم يوم يضيع
وبنفس الوكت جن منولد توه
صدفه الجابتك مو موعد ونظرات ..
وصدفه الحب يجي وما يجي بالگوه
ويجي دور الصبح واعتذر من فيروز
وابدأ اسمع بصوتك شعر مو غنوه
واخذني براحتك واشمرني وين تريد
بزندك على اشفافك وين ما تهوه
طبعك مو حلو بس انه قانع بيك
لكن مالت الله اسوالفك حلوه
ركز بيه واشبع شوف ما اوصيك
على غير الاسد متباوع اللبوه
صدلي بربع عينك واشتريك بروح
الـ مو ادم صدك ما يفتهم حوه








مالك السلطاني

[نغمة على وتر♫]

يخبل

[انثى مخمليةة]

رووعه

[حہيہدر الہبغہداديہ]

شكراالمجهودك العطر