#جديد2019
سرقت السياسة حتى العيون التي يحلم بها الشعب ، بين بعض المنابر المأجورة وبعض الساسة والسرّاق ضاعت كل الاحلام
قصيدة (#خط_أحمر) لعلي وفيت بوعدي
لكم فهي بعض همومنا واحلامنا المسروقة
ما بين السياسي وبين ابو المنبر
شعب ممسوح بس الربع خط احمر
عجب صار المعمم يتبع الشيطان
وذب عمامته وشگگ نهج حيدر
علي الهدموا بأسمك شيعة الاحزاب
واصحاب الحكم كسروا ضلع كوثر
لا تترجه بيهم لاسمك ينفعون
تشيعهم كزاز بسرعة يتكسر
لو واحد الخنجر گلنه احنه يهون
خلوا بالوطن من كل كتر خنجر
باولاد السياسة الوطن كله يضيع
وباولاد الحلال الوطن يتحرر
اصحه ياشعب شوف السياسي شلون
يتباهى بفساده وباگ واستهتر
شعب زغرت عيونه من الدمع والضيم
وزغر حتى الامل والحلم ضل يكبر
صحح ياشعب واختار وين الزين
مو صعبة العراق هواي بيه زينين
ترى ربع الحسين الشالوا التاريخ
عراقيين جانوا ما انطو بحسين
سبعين ازلمه وصاروا اعله الحگ تاج
لمعوا والذهب يلمع ابين الطين
مثل بستان واتأخر عليه الماي
ما جانه النهر ضلينه منسيين
شعب ماخذنه دمع المكبرة بكل عيد
سدينه الابواب الحزن طب منين ؟
شردنه من الحكم غير العدل للناس
يالجبتوا الحرب !! گلنالكم تعيين
چنه نخاف من الاعور الدجال
طلع دجالنه اعمى وما يعرف الدين
كافيكم لعب بالناس ، دم الناس
ذمة بركبة التاريخ يبقى سنين
يالبگتوا العيون الحلم وين ينام ؟
ردناكم كحل تتباهى بيه العين
ترى عرش الملك لو نصح وي الناس
يضل تاريخ باقي ومثل سور الصين
بس الفاسد الما نصح باهله بيوم
باول مزبلة وينحسب عالعفنين
رد مع اقتباس
المشاركة الأصلية كتبت بواسطة انثى مخمليةة
